شبكة رهب الأدبية-ريما محمد السديري - سلسلة قصائدشعبيه اعجبتني

بسم الله الرحمن الرحيم

لبعض الشعراء الشعبين رحمهم الله

ياهل الركاب الي مخفات وسمان
بالله عليكم وين دار تبونه

قالوا نبي العارض لنا فيه غرضان
قلت السلام الذرب ماتوصلونه
ماتنقلونه يم شايب وورعان
ومن مرهم من طرقي ينشدونه
من سال عني قل توجه لعمان
حالت قرايا الملح والجوف دونه
اما يجيك الغوج كاسب وطربان
ولا اكل ذيب الزرايب متونه
________________________\

انا هاضني ذيب يجرعواه
عسى الله يساعدني على الذيب سرحاني
كتبت المزرف بالقلم ماحديقراه
وانا بنظم العب تصاريف نصراني
ترى العسكريه دفتر لم كل الغاه
جمع طيبين موسطين وردياني
ترى الطيب اللي فالقى تظهره يمناه
ترى ذاك يستاهل نجوم(ان)وتيجاني
ترى النذل طيبه في خويه اليا جازاه
يقول امش بالقانون من غيرنقصاني
________________________________\

انا لاعذلت العين ماطاوعت خبله
حسبي عليها هيضتني واناسالي
عسى لايمي يقضي على حلته وابله
ثمانين مردوفه وتسعين خيالي
على صاحب شين المعاني قضب حبله
وانا هاقي ان العذب ماعاد ينالي
عشيري كما وسمية نبتها ربله
ولاطبها الي حط للفرق مخيالي
سقى دارهم نو تلاعج من القبله
تلاعج بروقه والطفل له تعزالي
______________________________

ياعشيري منك انا مانيب تايب
حالف منساك ياضاف الجديله
كيف تذبحني ولاتدري العقايب
ماخبربه واحد يذبح عميله
شبه وضحى درهمت قدم الركايب
حايل مرباعها صلعى الثميله
اشهدان حبك علينا من الغصايب
ودي ادله ميرمافي ايدي حيله
__________________________________

قلت اه من قلب لجا فيه تنتيق
من ناتق خطر يفج الضلوعي
على وليف حرق القلب تحريق
وان غاب عني قمت اهل الدموعي
بوصفه ون التواصيف تبريق
لاطاح وسمي قفته الرجوعي
زملوق غار ناعم مابعد ذيق
في مكهف ذرت عليه الصدوعي
حب لجا في من بدحب المخاليق
وشوفه ثمرقلبي وهرجه متوعي
لواطمع انه مايحاك العشاشيق
حرمت غيره زاهيات الردوعي

اتمنى تنال اعجابكم