اكتب شعوري ذنب بارقـاب الايـام=عذري قـوي فـي حجتـي للكتابـه
يلعن ابوهـا كاذبـه كـل الاحـلام=الدرب صعب ويتعب اللـي مشابـه
عايش حياتي كلهـا زيـف واوهـام=اتعب احساسي حيل واتعب اعصابـه
وهالحين بعض الليل سهران مانـام=همومي مـعَ سـود الليالـي تشابـه
وش هقوتك يفطر عقب كل ما صـام=ضميان حيل ولا ارتوى من شرابـه
قلب (ن) وله بالحيل. من الوقت منضام=وبـدى يوصـف للخلايق مصابـه
من جرحه اللي فوق طاقـات الآلام=بين الحنايـا اليـوم ينـزف عذابـه
يعزف على صدر الورق حبر الاقلام=صدق الغـلا خلـى خفوقـه ربابـه
الحظ تقصر خطوته كـل مـا قـام=والهـم نـوخ فـي حياتـي ركابـه

اكتب شعوري ذنـب بارقـاب الايـام
عـذري قـوي فـي حجتـي للكتابـه


يلعـن ابوهـا كاذبـه كـل الاحــلام
الدرب صعـب ويتعـب اللـي مشابـه


خلف المنصور

لم اجد النقيضين يجتمعا الا في عالم الشعر

كلما كان الألم اكثر عمقا كان الحرف اكثر عذوبةٍ

الألم نزفٍ يؤرق المضاجع ولكنه في لغة الشعر عزفٍ
يستدرج الاحساس ويروي الذائقة بعذوبة الكلمة وصدق البوح

امتعتنا بماكتبت
كماهو انت رائع بكل حالاتك



تحياتي لك

الحظ تقصـر خطوتـه كـل مـا قـام
والهـم نـوخ فـي حياتـي ركـابـه

تبقى الحياة مستمره ويبقى الأمل
موجود
وتبقى أنت حاضر رغم كل الصعاب
رغم الغياب موجود
ذنب الكتابة لك
وذنب القراءه دعه لنا ياصاحبي
وسوف نتقاسم الذنب معن والهم معن
ذنب

الغياب والكتابة والهم

اكتب شعوري ذنـب بارقـاب الايـام
عـذري قـوي فـي حجتـي للكتابـه


يلعـن ابوهـا كاذبـه كـل الاحــلام
الدرب صعـب ويتعـب اللـي مشابـه

خلف منصور
ابداع يابو منصور
يلعن ابوها كاذبه كل الاحلام
الدرب صعب ويتعب اللي مشابه


صح لسانك