شبكة رهب الأدبية-ريما محمد السديري - هذي( البــــــــــنت ) بنـتٍ تضاهـا بالرجـال

http://www.r15r.com/data/media/108/ndes.jpg

http://www6.0zz0.com/2008/04/19/16/797153398.gif

إن بغيت الطيب فيهـا طيـب مـا مثلـه مثيـل
وإن بغيت الحسن ربي صاغها بـأروع جمـال

وإن بغيت الجود فيها الجود من عـرقٍ أصيـل
هذي ( الــــــــبنت ) بنـتٍ تضاهـا بالرجـال

ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )

الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال

الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال

بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال

أي وربـي للــــبنت انـا مارضـى بـديـل
يا بعدهم يالرطب ياللـي كسـر سـوق الخـلال

يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال

يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال

من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال

إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال

من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال

إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا فيها يقال

إنتي أختي وإنتي أمـي وكـل إحسـاسٍ جميـل
وإنتي العشق الحقيقـي حبيبتي واروع مثال

لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال

إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال

وسلامتكم

http://www6.0zz0.com/2008/04/19/16/797153398.gif

ورب البيت ملطوووووش ياناس

ياعمري