حبيبي متى ظرف السفر ينتهي وتجي؟=ابي راحة من هاجس الشوق وإزعاجه
ترى دارنا في غيبتك ماتساوي شي=ياسر العذاب وشمعة الدار وسراجه
عيادتك طال إقفالها والعلاج شوي=و مريضك ذبحه الخوف لايقضي علاجه
ذبحني فراقك يامنى الروح وأنا حي=تلطف بمن حاله لحسناك محتاجه
ذبل زرع قلبي بعد ما أبطا عليه الرى=عسى ما يودع قبل ما نقطف إنتاجه
أنا اصبحت من حبي لك ومن فراقك زي=غريق يصارع رهبة البحر وأمواجه
تسج القدم مابين مصر وبين إدبي = وأنا نار شوقي داخل القلب وهاجه
كفا ماحصل يازين ماهيب تكفى هي=ترى ما حد قبلك حدتني له الحاجه
خذ الاجر في منهو طوته المحبة طي=وهرج العرب في حالته زود احراجه
لو إن حكم قلبي يالطيف الحشا بيدي=حرام إن أبين له طريقه ومنهاجه
بلاي ان ربي مبتليني بقلب عي=يلامن نصحته زلزل الصدر بخلاجه
يكابر على اللوعات والكي فوق الكي=وتجاريه عين بأزرق الدمع زعاجه
الا يالجميل اللي جبينك يشعشع ضي=وعيش الكرامه والفخر ترتدي تاجه
على الله متى من حر شمسك نجي في الفي=ونقضي على فرقا المحبين بمواجه