ظالم ظالم ظالمني و ابلا اسباب تظلمني = انا اللي جيتك عاني وانت بحبك ظالمني
ماتت احلا الاماني بروح العشق الفاني = مات الوفا بفراقك وانت بهجرك جارحني
يا روح الوافي المجروح افديك بعمري و الروح = ما يكفي والله كافي جرح غيابك قاتلني
جزاي اني وفيتك حتي بعمري شريتك = عشق الكتابه جيتك شمس المحبه اذكرني
احكم و بحكمك راضي حتي بتعذيبك راضي = وان مليت يا ظالم رح و ارجوك سامحني

لا تخليني اسهر و انت تعرف وفاي = خفف الهم عني خل قلبك عطوف
انت قصدي و شوقي وانت غاية هواي = طالبك لا تخليني ضحية ظروف
احسبنك تساندني و تاقف معاي = كيف تقبل ضياعي وانت عينك تشوف
استحيت و خجلت ولا نفعني حياي = لين شمس المحبه صار فيها الكسوف
ليت نورك طلع لي يوم ظلم سماي = بدد الظلم عني صار بالقلب خوف
واقفن عن سواكم لو حداني ضماي = غيركم ما نطيقه حيث نفسي عيوف

بكتب قصيده ماكتبها شاعرٍ مذكور= واطرزها ذهب واكتب عليها اسمك واحررها
مدري وش اكتب فيك شعرمسطور او منثور= يعجز الشعر في وصفك محاسن فيك ماأكثرها
واخاف الشعر مايوفيك حقك يالملاك النور=واخاف انسى بعض مافيك من ميزات ما أذكرها
وصوفك كلها زينه جميل أمدلع مغرور=عيونك حور جذابه تجنن من يناظرها
الا ياقطعة السكر والا يالماسة البلور=والا يادانة الجوهر واخاف الناس تكسرها
والا ياوردة الجوري والا يالكادي المشهور= حياتي ياحياتي انت انفاسك تعطرها
والا ياضحكة الطفل البري السالي المسرور=والا يالحبر خذ روحي ورق وارجوك سطرها
انا اللي مغرم فيها وانا الهايم وانا المأسور= وانا العاشق لها وافخر بأني صرت أسرها
وانا اللي في هواها امشي بكيفي ما أني ابمجبور= تخيرته مابين الناس تعجبني محاجرها
ازعلها حشى ماقوى اراضيها بكل سرور= ادلعها وتستاهل دلعها حيل يبهرها
ابكيها حشى ماقوى اضحكها ضحك مسحور= امدحها وتستانس بمدحي يوم يغمرها
ابعطيها وابهديها وباقطف للملاك ازهور=عسى الله يحفظها لي من عيون الناس ما أخطرها