جيتك من الدنيا والايام والناس = جيتك من الواقع علامات و دروس
جيتك من الحييّن جمره ونسناس = جيتك من الموتى تقاليد وطقوس
جيتك من أدنى خاطري واقصى الاحساس = جيتك من قلوب وشرايين ونفوس
جيتك من الظل ومن الضوح مقباس = بين الضلوع وبين الاعماق محسوس
ان جيت أشــّيـع بالامل حزة اليأس = ماجيت أكــّـفن بالعزى حظ منحوس
كن الحزن والهم ساكن بالانفاس = وكن الاماني سيفها يشبه الموس
رغم الشتات وصرح الاحباط لي ساس = جيتك من الهقوه على الآه والقوس
جيتك من الشاعر والانسان حـــّسـاس = غمض وشفني بين الاوراق مغروس
ان قلت ؟ وان قيل العوافي ولا باس = أو قلتها من دون مصدر وقاموس
سلطان خذها صادقه لك من الرأس = وهج الاماني غير ؟ والحلم كابوس
كان الشعر صدق وهماليل واحساس = وجرحي وشعري بين الانظار ملموس
رتل غيابي واتله أعروق وانفاس = حل القصاص وقــيّــد الثأر معكوس
تعبت ألــّون بالوهم صورة الناس = ومليت أشــّيـد للوفا كل ناقوس
يامن كسبت الصيت والطيب نوماس = والمجد والعليا والاخلاص ملبوس
لاهنت ياحــرً له الصدق نبراس = ولا هان رأسً تنحني لاجله الرؤس