العمر رحلة والمقادير الاسباب = وبعض الخلايق ماعليها أحسوفه
النفس طابت مأبي عذر وعتاب = طعنة غدر بأعماق روحٍ عيوفه
عندي قناعه يوم كشرّت الانياب = ماقدمت يمناك .. عينك تشوفه
رجواي بالله عالي الشأن ماغاب = يبلاك في ضيم الزمان وظروفه
والله غريبه ؟ كيف صدّقت الاجناب = خليت قلبي بين شكه وخوفه
لو تدعي بالحب .. خاين وكذاب = ماعاد لك بالقلب قدر ومرؤفه
خنت العهد والظن ياكثر ماخاب = أثريك ضاري للغدر والنكوفه
رحّ بطريقك وأترك القلب منصاب = وكلن على مبداه يلقى أوصوفه
قفلّت عن بعض المشاريه الابواب = مليت من زيف الغرام وعزوفه
(فرعون) لو يحلف منافق ونصاب = (هامان) لا يمكن يصّدق أحلوفه
الله يلعن معرفة بعض الاصحاب = لن الجمايل عند مثله أحسّوفه

رجواي بالله عالـي الشـأن ماغـاب يبـلاك فـي ضيـم الزمـان وظروفـه

رحّ بطريقك وأترك القلـب منصـاب وكلـن علـى مبـداه يلقـى أوصـوفـه

الله يلعـن معرفـة بعـض الاصحـاب لـن الجمايـل عنـد مثـلـه أحسّـوفـه