|
اهداء الى اميرة الشعراء
لو قرينا من قصيدك ماخلصنا ومانمل = كلك احساس ومشاعر وانتي افضل شاعره ماهي امدوح امتلكها وماهي اسرار العمل = الكل شاهد من قراية فن شعر الماهره كننا بنصف الشهر وانتي بدراً اكتمل = نايمين نعيش نورك وانتي فينا ساهره المعاني في شجونك حاصرة خيبة امل = واصبح الواقع كتابه من شجونك ضاهره وصف وتصوير وجزاله ماتخوضين الهزل = دايم ابيات القصيده فالمحاني عابره كل ما اقرا قصيدك سال دمعي وانهمل = وابتدى ليلٍ علي اقوى من اللي خابره وان مدحتي مامدحتي غير فرسان وبطل = ماعذر نفسه عن الملقى ومحدن عاذره سل سيف الحرف لين الحرف طاول وانعدل = لين ورث للقصيد اغلى القصيد ونادره ان عشق يعشق قمر وان سرق يسرق جمل = منبر وخلف لنا في نجدنا منابره يا امير الشعر انا راثيك قبل ولا ازل = ارثيك ياتاج القصيد اللي لبس جواهره كل ماتذكرنا قصيدك مانلاقيله بدل = نذكر قصيدك والهوى يقوي علي الذاكره |
عبدالمجيد صح لساااانك اخوي وام نواف تستاهل المدح انت تجيد الوصف على طريقتك . اعجبني الوصف .. لو قرينا من قصيدك ماخلصنا ومانمل كلك احساس ومشاعر وانتي افضل شاعره حياك الله ياعبدالمجيد |
الغالي عبدالمجيد
كفيت ووفيت وتستاهل شاعرتنا الديره تقبل تحياتي |
اخوي عاشق صح بدنك لاهنت
اشكرك على الاطراء اخوك عبد المجيد |
صح لسانك عبدالمجيد
تستاهل المدح |
هلا وغلا اخوي عبد المجيد وحياك الله بيننا وفي منتداك اشكرك اخي الكريم وما قصرت ما تقصر بك الدنيا والله اخجلتموني اخواني وانا بين اعلام ما شاء الله من الشعراء لابد وان بضيفون الكثير لي وكم انا سعيده بهم وتواجدهم غنيمه ومكسب لي وللمنتدى اشكر اطرائك وما يخرج من القلب اخي يصل للقلب بلا شك ولا عندي ادنى شك بحب الاخوه جميعا هنااا لا اعرف ماذا اضيف الا ان اقول ما قصرت كثر الله خيرك وصح لسانك ودام تواجدك بيننا في منتداك والله حيه وافر التحايا .. ريما بنت محمد الاحمد السديري |
صح لسااانك على القصيده الأكثر من رائعه
والشاعره رهب تستحق المدح لخلقها ولشعرها تحياتي لك يالغالي |
،’، صَحْ لِسَانك وَعَلا شَانك أخُوي .. وَأُم نَوَاف تِسْتَاهِل كَل الخَيْر .. دُمْتَ لَنَا مُعْطَاء .. http://www.albrens.com/up/uploads/f3e3a57628.gif |
اقتباس:
أخي عبدالمجيد صح لسانك إطلالة باهره وشاعرتنا تستاهل وزود لك ودي و تحياتي |
أخي عبدالمجيد صح لسانك وإعتلا شانك قصيدة جميلة وحضور أجمل وسعيد بهذه المصافحة وتحياااتيــ لشخصكــ الكريم وتستاهل شاعرتنا http://www.al-shooq.com/up1/uploads/e0fc187e40.gif |
| الساعة الآن 03:36PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية