|
الطيب
ياصاحبي والله لو أعلم الغيب؟= ماشاب رأسي من زماني وعانيت ضاعت سنيني ياحصان الاطاليب = ولا ترجع الايام مهما تمنيت ضيعت عمري بالوفا والتراحيب =خابت ظنوني يوم فيهم تهقويت ماقصرت يمناي في مدة الطيب = حتى مع الانذال ماذكر ترديت (أبوي) علمني سلوم المواجيب = وأنا على رجم الطويلات عديت ماهمني كثر الحكي والعراقيب = على الدروب الغانمه لو تعنيت يوم الردي ماردته سكة العيب= أنا أحمد الله بالردى ماتحليت بعض البشر مافيه غير العذاريب = ياليتني في عُرفهم ماتماديت ماجيت أدوّر بالقصايد .. مطاليب = ماجيت أردد قول : ياعل . ياليت جيت أستفز الصمت والشك والريب=وأقدم أجزال المعاني لهم جيت رغم الجروح الموجعات المعاطيب = على سنام الطيب فيكم تعليت حنا أهل مابه ضيوف ومعازيب = ياهل الوفا والجود والطيب والصيت . . |
|
ياهلا يالفلاحي حياك الله ,,
صح الله لساانك وصح قلبك وكلك ولاهنت ابيات أحساسها وتركيبها فريد لاكن العجز من البيت الاول الظاهر انه خطاء في عيني شيبت كلمه مستقله عن تمنيت تهقويت لاخر ,, وجهة نظر فقط ,, تحياتي وتقديري لك . |
ياصاحبي والله لو أعلم الغيب؟= ماشاب رأسي من زماني وعانيت . شكراً على الملاحظة أخوي خالد غلطه مطبعيه . |
صح لسانك يا الفلاحي
و لاهنت ابد مبدع كما انت دائما ريف .. |
صح لسانك يا الفلاحي
نص شامخ لشاعر جزل مبدع كما انت |
الاخ سلطان حمود
اسعدني تواجدك ومرورك الكريم على متصفحي لكل الشكر والتقدير |
الاخ فواز
لاهنت يالغالي على حضورك تقبل فايق احترامي |
أخوي منصور
تسلم يالغالي مرورك وسام شرف لاخلى ولا عدم |
| الساعة الآن 01:50AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية