|
عبدالله بن عريمة !
السلام عليكم ، ويسعد اوقاتكم وقليل مِن الشّعر ما يجذب الفِكر ، وتسعَد بِه العين حينَ تقع عليهْ ، وهذا ما حصَل في هذا القسم اليوم ، حيث سقطت عيني على قصيدة للشاعر الكبير والجزل : عبدالله بن عريمة ، موجهه للجميل الآخر والشاعر ريف النشامى ، وكليهما في غنى عنّى وعن إطرائي ، وهذِه محاولَة مجاراة للقصيدَة ، ربّما تكون من الشعر ، أو بعيدة عنه ، لكِن تقبّلوها وعذرها يسبقها ،
ياهل المثايل من يشوّشني اجيب=شرد البيوت الندّر العرد الابكار اطوّع الفكره بكيفي ولا اخيب=زال الشّعر ملك وهوجيسه احضار واصخّره لعيون ذيبٍ وبن ذيب=وأورّدة على مجاذيب الاشعار أهل النقا واهل القنا والمعاطيب=عز الصديق ،منوّخة كل جبار كعم العدا نور وقدا للمطاليب=ريف الضيوف مكرمّة كل مرّار سعد الدخيل اللي من الوقت طلّيب=واهل الحقوق اللّي تلوق له الاخيار روس المراجل والسّطر والمواجيب=كرم اللحى وسع النحى منوة الجار لابه تنومس بالفعول المصاعيب=دواسرٍ بيض المواقيف الاخيار هّي السّند هي السّعد والمشاهيب=هيّ الحكر لا صار للطيب حكّار وان قيل من قاله وجاب الهناديب=قولوا عتيبيٍ عَن الحَق ما جار وسلامتكم ، وعذراً عَن التقصير |
الغالي الشاعر مغمور الله انه يسعدك بجميع اوقاتك بكل خير واسعدني ان اكون اول المصافحين لهذه القصيده الاجمل من جميله والاجزل من جزله ويستاهلون الدواسر بدون قصور بباقي القبايل مجارات من شاعر جزل وله باع طويل بالشعر وصح لسانك وعلا شانك مليون ولايكفون وتقبل تحياتي |
صح لسانك يا ولد العم و لاهنت
و يستاهل ابن عريمة و النعم فيه وفي ربعه ولا هو نقصان لغيرهم كل قبيله لها حق من رجالها وبيض الله وجهك تقديري ريف النشاما |
صح لسانك على القصيدة الجزله اخي مغمور
تقبل مروري |
والله ونعم بالجميع
وصح لسانك مع اجمل تحيه وتقدير |
صح لسان
شاعرنا القدير رااائع تحياتي لشخصك |
المعذرة تو قريتها
تسجيل حضور وان شاء الله لي رجعه |
اقتباس:
والحقيقة اخجلتني وغلبتني بالطيب وتستاهل عتيبه بل قصيدتك هي الشعر والجزاله والوفاء بعينه وشهادتك واطرائك لي هو اكبر وسام لي لاتسعفني الكلمات ولاتفي بالغرض وياليت يامغمور تعرفني بنفسك |
شاعرنا القدير مغمور صح لسانك قصيده رائعه تشرفت بالمرور تحياتي لك رهب |
| الساعة الآن 12:20PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية