|
حكمة مهيبيل والا سجع مهبوله
ياقاف ماعد يهز القلب مواله=من عقب روح الشقاوي الصب مشغوله تحطمت فوق جسر الواقع اماله=صارت قوافيه بين الناس معلوله لاتنشد القاف يامحتار عن حاله=ماطاب لاهل الهوى بنه ومعموله كلن على القاف ساطي لو تهيا له=والجزل كفه من اللي صار مشلوله خلف القريشات كلن حمّل احماله=والقاف مابان لي ظبطه ومرسوله تسابق الناس ذا عمه وذا خاله =كلن غدى يدّعي قربه ومن حوله مابه تميّز وكلن يبذل امواله=يدور الشهره لو بيديه وارجوله والجزل له طوق به مخنوق واغلاله=ماعاد يغريك من قاله ومنقوله الفكر محدود والتصوير يرثى له=حتى القوافي من الغثرات مبلوله دعاني القاف يشكي عثرة اجياله=من خلف الاستار عانى هجمة خبوله شفته مسجى بشاش وفوق نقاله =واهل الهوى كل خبل يدن بحموله احمال من صفصفه تهتّز رقاله=وهّمَة مهيبيل والا سجع مهبوله من غير معنى ومبنى فيه زلزاله=قصة مجينين عند شهار بندوله يقول انا الشاعر اللي فاقت امثاله=بين الشواعير كل العالم اومو له ليت السواط او خلف يلقي لهم باله=والا رشيد الزلامي يلحق فلوله لكن مالي جدا غير ابعث رساله=على التويتر وفيس اوراق مجهوله ياقاف هذا زمان انفك جهّاله = وكل جاهل يجيب افكار مفلوله |
الغالي الشاعر فلاح بن منشار الله انه يسعدك ويوفقك بجميع اوقاتك بالخير ولقد اسعدني ان اكون اول المصافحين لهذه القصيده الاجمل من جميله والاروع من رائعه وما تحمله من مضمون ومعنى شعري مميز من شاعر متمكن وله باع طويل في الشعر وصح لسانك وعلا شانك مليون ولايكفون تقبل تحياتي |
اقتباس:
صح لسانك مليووون ولا يكفوووون اسعدني مروري بهذه الرائعه |
ماشاء الله تبارك الله
بوح غُمس بالطُهر وعُجن بنكهة الحقيقة المرة المذاق!! وارتقى لسماء الشعر الثامنة .. وغمرنا بالنقاء !! سلم البنان والبيان المتفرد امتناني |
.
فلاح بن منشار صح لسانك و لاهنت ابد راقية دائما ابياتك تقديري ريف .. |
صح لسانك و لاهنت ابد
|
| الساعة الآن 07:03AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية