الأمانـي ذلـولٍ خرجهـا فـي خبـاه=هم / مالٍ قليل ومشربٍ مـا صفـا
طرقتي دربها واعـر وفـي مبتـداه=والغـلا والمحبّـه فالشـداد اردفــا
صاحبي ليت وقتي جاء على مشتهـاه=ولد يمّي بوجهـه مـا عطانـي قفـا
الأمـل كـل متنـه ماوصـل منتهـاه=ويتوشح بصبـرٍ مشلحـه مـا ضفـا
والشقا في حياتي ما سواتـه سـواه=شاربٍ من مـرارة علقمـه مـا كفـا
شاعرك لا تبـدد وانتهـا بـه عنـاه= حط رأسه على متـن الخيـال وغفـا
خض بحر الحلوم وغاص لأبعد مـداه=صار نومه طبيب وصار طيفـك شفـا
وان صحى من منامه وانتبه وش جداه=غير جـر التنهّـت بـ/ آه واح وافـا
كل ذكرا قديمـه منـك تبحـث خفـاه=لين بذّت خفـاه ومابقـى لـه خفـا
صاحبي من يذوق البرد يلقـى دفـاه=مير برد المشاعر ويـن يلقـى دفـا
المسافه لبابـك دوب حذّفـة حصـاه= والقدر هـو وحظّـي واقفيـن احلفـا
والرجاء فـي إلاهٍ كلنـا فـي رجـاه= عالـمٍ بالبـيـان وعـالـمٍ بالخـفـا