|
طال الســــــــهر
طال السهر والهجر بانت مواريه للصاحب اللي مانويت الردى به اسمع ابو نوره وانا اقول لبيه ياللي عليك من الوصايف سحابه تهل من خيراتها كل ماارجيه الطهر والعفه ومعنى الذرابه فيها من الله حسن ربي محليه لاشفتها ضاع الكلام بغرابه اقول كيفك واتلعثم واقول ايه اقول ايه بدون القى اجابه لا ماحكت واظن عقلي ماهو فيه اسال واجاوب وانظر اسفل حجابه ودي ليا ناظرتها قلت احيه ومن رمشها لاسلهمت قلت يابه في عينها ذنب ولا ودي اعصيه اطيعه ولو قام حد الحرابه يالعنبوه اليا طرت لي طواريه قمت اتلخبط في الحكي والكتابه ماادري ابالبس ثوب ولا البس بريه ولا البس البدله وجنز وكابه ودي اسوي شي ودي ابارضيه بس المهم اني اباعجب جنابه وش يعجبه دام القمر مايباريه شوف القمر يحسده ويسن نابه وبالله يابو نوره ترا الهجر مابغيه خل الهجر مادام ليلي سرابه |
صمت الحزن
صح لسانك على هذه الرائعه تحياتي . |
الغالي
الشاعر صمت الحزن الله انه يسعدك ويوفقك بجميع اوقاتك بكل خير ولقد اسعدني ان اكون ثاني المصافحين لهذه القصيده الاجمل من جميله وما تحمله من معاني وما اقول الا صح لسانك وعلا شانك مليون ولايكفون وتقبل تحياتي |
الله عليك يا صمت
مبدع و صح لسانك و لاهنت أبد رائعة جدا كل التقدير ريف .. |
صح لسانك حتى ترضى أبيات وصلت للقلب بكل شفافيه بإنتظار كل جديد أرق تحيه |
صح بدنك اختي النجلا وشرفتيني بمرورك
دمتي بصحه وعافية |
اقتباس:
الله صح لسانك مليون اطربتنا ايها العملاق اجمل باقة :r: |
اخواني - عقاب وسفير المعاني وريف النشاما
صح ابدانكم جميع وشرفتوني بمروركم واعذروني اني تخطيت ردودكم تخطاكم الشر وكنت والله مفكر حالي رديت عليكم واكرر عذري وحقكم علي راسي من فوق اخوي خالد البرمان صح بدنك ولاعدمت تواجدك وشرف لي مرورك دمتم بصحه وعافيه |
| الساعة الآن 02:31AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية