|
ياصلاة الله على وجه النبي
ياصلاة الله على وجه النبي عد ما قد شع براق ولاح كلمة بديتها من مذهبي يوم شفت عيونها سيد الملاح فتنة تاخذ عقول وتجتبي كم على حجانها طابت جراح حد عيني عينها قلت ارحبي الحقيقه غايبه مابغى المزاح كان ماني حالم قلت اقربي والمسي يدي اباحلم للصباح كل حلمي خيمتي ويا احطبي والدلال الصفر والارض البراح والمطر هماله ارخى مسربي والرعد والبرق زادتني انشراح ارتوت منه الشعيب ومشربي والخزامى ثايره وسط الرياح والهجوس اللي تمادت تذهبي وش تبي دامك تفكين السراح ياصباح الحسن ياملح البني مابقى غير ان اعلن بالصياح بالحرام انك حياتي وذهبي والخطا دامه معك ذنب مباح ناظريني ياحلالي واشربي من خفوق صافي عذب قراح حللي فيني جهودي واتعبي واسمحي لي لاحضنتك بارتياح واهمسي باذني حبيبي وش تبي كل ماقدام عينك مستباح بس ابي منك حبيبي روف بي واترك القسوه وابي منك السماح |
الغالي الشاعر صمت الحزن الله انه يسعدك ويوفقك بجميع اوقاتك بكل خير ولقد اسعدني ان اكون من اول المصافحين لهذه القصيده الرائعه والجميله بما تحمله بطياتها مضمون من مشاعر واحساس شاعر متمكن بعسف القوافي وما اقول الا صح لسانك وعلا شانك مليون ولايكفون وتقبل تحياتي |
ابيات جدا راقيه
لاهنت وصح لسانك ياراقي. |
اقتباس:
مليااااار صح لسانك ايها العملاق استاذنا القدير الشاعر صمت الحزن تقبل اجمل باقة ورد على هذه الفاتنة بجد اجمل تحياتي وتقديري |
...
الله الله صح لسانك يا صمت الحزن مبدع كما عهدناك قصيدة في غاية الجمال عذبة و رقيقة ننتظر منك كل جديد بشوق اخوك ريف .. |
صمت الحزن
صح لسانك ملايييين كتبت وابدعت تحياتي . |
حياك الله صمت الحزن ,,
صح الله لسانك ولاهنت ابيات في قمة الابداع وجزلة حرف بمعنى الجزاله ,, لك خالص شكري وكل تقديري . |
صحت ابدانكم جميعا...........
جزيل الشكر على مرروركم وتعليقاتكم . وشرف لي مصافحتكم وآبداء ارائكم ....دمتم بصحه وسعاده |
صمت الحززن
صح لساانك حتى تررضى .. ابدعت حد الثمالة انتظر كل جديد لك بششوق :r: تحياتي" |
صح لسانك اختي لينا وشرفتيني بمرورك
|
| الساعة الآن 09:01AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية