|
المعرفه والصبر مالي ومكسبي ,,
بـسم الله الرحمن الرحيم ,, السلام عليكم ورحمة الله وبركاته ,,
احب انزل كم اول مشاركه في هذى القسم وهي ابيات تعبر عن نفسها ,, وانتمى ان تنال على اعجابكم ,, يامـل عيـن ٍ نومهـا مايشوقهـا تعلقـت فالسهـر عـن مايلوقهـا لاقبل ظلام الليل واسـدل بهيبتـه خيل خيال الدمع في وسط موقهـا وأنهل دمع ٍ في هدبهـا حرارتـه خطر ٍ عليها في نظرهـا يعوقهـا أتعبـت حالـي فاليـال ودروبهـا وانا ادري انه مستحيـل ٍ لحوقهـا وخشى من الي يفرحون بمصيبتـي ناس ٍ وسـاع ٍ للنميمـه حلوقهـا اجاهـد الوقـت العنيـد بعزيمتـي والنفس في وكر المعـزه سبوقهـا المعرفه والصبر مالـي ومكسبـي في وسـط دنيـاً ماثبتنـا بسوقهـا تجارها الـي ماتضيـع صلاتهـا وخسرانهـا دنيـاه همـه يحوقهـا لكن اخذت من الزمـان وتجاربـه طرايق ٍبالعقـل تمشـى طروقهـا اصاحب الطيب وشاهر بصحبتـه الي علـى روس المعالـي يفوقهـا حر ٍ شهر بالمرجله مـن جـدوده ماضيع اسلوم الرجـال وحقوقهـا والا الردي لو هو من اقرب قرايبي ياجعل شمسـه ماتبيـن شروقهـا عشنى وشفنـا فالزمـان ودلايلـه والناس نعرف كذبها من صدوقهـا وكم مزنت ٍ من غرب خلنا خيالها يرزم رعدها ويتكاشـف بروقهـا لكـن مايصـدق مطرهـا ونوهـا يشتالها الغربـي بحيلـه يسوقهـا وكم شجرة ٍ خضرا ضليله غصونها قفى ورقها بعـد ماتـت عروقهـا وسلامة نـواظركم ,, خالد العبـيـريـد ,, |
الغالي
الشاعر خالد العبيريد اهلا بك والف الف مرحبابك مع كوكبة الشعراء والله انه يسعدك ويوفقك اين ما اتجهت وحليت ولقد اسعدني ان اكون اول المصافحين لهذه القصيده الرائعه بروعتك وبما تحمله من شعر ومعنى ومضمون ينطوي تحت الجزاله الشعريه اللتي صورت بها لنا الكثير من واقعنا بحكمه من تجربه وصح لسانك وعلا شانك مليون ولايكفون تقبل تحياتي |
سفير المعاني حياك الله ,,
صح الله بدنك وجهك ابيض ومرورك هنا يضئ القصيده ولايسعني الا ان اشكرك جزيل الشكر ,, لك خالص تحياتي ,, |
صح لسانك حتى ترضى بدايه رااائعه تجعلنا نتشوق للمزيد بإنتظار جديدك أرق تحيه |
حياك النجلا ,,
صح الله بدنك ولاهنتي الاروع مرورك ,, تحياتي لك ,, |
لكن اخذت من الزمـان وتجاربـه...................
................... طرايق ٍبالعقـل تمشـى طروقــهـا ما اروع هذا البيت و ما اروع ما بقي منها العبيريد صح لسانك مليون و لا يسدون انت مبدع و قليلة كلمة الابداع في نظري حروف الجميلة ننتظر منك كل جديد مصافحة رائعة كروعة تواجدك ريف .. |
ريف النشاما حياك الله ,,
صح الله بدنك ولاهنت والابداع وجودك وتعليقك ياغالي ,, لك خالص تحياتي وشكري ,, |
الشاعر
صح اللسان وسلم اليراع ونبض من القصيد يتوهج في اركان منتدى الرهب من فاخرة قصيد وجوهر معنى وحياك الله مرة اخرى ي جود انحناءة ياسمينة :r: |
زمان العجايب ,,
صح الله بدنك وسلم قلبك كل الابداع حضورك وتعليقك ,, لك خالص تحياتي ,, |
الشاعر : خالد العبيريد
صح الله لسااااااانك واعتلا شااااانك شاعر مميز ياخالد اعجابي واحترامي لك |
| الساعة الآن 05:06PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية