يا شوق الاشواق من هو بس في شوقي=مجنون مجنون مجنون(ن) انا فيها
كــِـنّ الجبال الرواسي دونها فوقي=وروح روحي على روحي وتغليها
لا تسرقي الحرف من خزنات منطوقي=دام المشاعر امانه لا تشليها
وانا استحيت انشد العربان مسروقي=لان العرب ما تصدق من بيهجيها
يا ذوقها اليّ خجل من وصفها ذوقي=يا سحرها اليّ بسلطانه ويكسيها
خلي السفرجل واعناب اليمن سوقي=وخمرة العشق بعد الحلو نسقيها
في فرق ما بين رمانه وبرقوقي=والورد عن ورد بالاوصاف صفــّـيها
خلي دروب القوافل تقــتفي نوقي=دام الخرايط وخرتيتي فنخــّــيها
خلي عتابك لتالي الليل ملحوقي=يعني عروقي ولازم قبل تغــّـليها
يا بنت كوكب وانا للحين محروقي=باقي حطبكم ولحمي ما يكفــّــيها
هذي ضلوعي وأوسطها بمشقوقي=ان كان باقي بها ما انشق شقــّـيها
احس فيها هوى صدري بمخنوقي=مثل الدخان في زوايا الدار شمــّـيها
مسدوح كالسيخ بالسندان مطروقي=وبارد الما جروح السيخ يطفيها
والشيخ لو شاربه ..بالموس محلوقي=لفّ اللثام مثل عيبه قام يخفيها
يا جنّ الاسحار من طلسم لها طوقي=ومن يكحــّـل عيوني قصد يعميها
ماتت رياحين مسجونه بصندوقي=وثوب عيدي تعفــّـن قبل نهديها
القلب لولا بهذا الصدر مخلوقي=كنت المشاعر بلا تفكير اعفيها

لا تسرقي الحرف من خزنات منطوقـي
دام المشـاعـر امـانـه لا تشليـهـا
وانا استحيت انشد العربـان مسروقـي
لان العرب ما تصـدق مـن بيهجيهـا

ميلاداليماني /صح السانك
واعتلى شانك ..اسعدني التواجد هنا
وتفبل مروري وتقديري