|
حرير المخدة
بعد إنقطاع نعود مع إطلالة شهر الخير وعودا حميدا لشبكة رهب وكل عام وأنتم بخير
تدفعني أشواق الوفاء للمحبين= لكن دون الشوق تيار ضده دامك وفي معك اكثر الناس وافين = وكلن يعود لبوه واصول جده ناس تحوس امال في عكرة الطين = وناسٍ تقدم طيبها ما تعده وانا زرعت من المحبه بساتين = ونثر فوادي لاجل الاحباب وده لقيت طعنة غدر من ناس قاسين = قلوبهم فيها الف صده وصده وجنبت نفسي عن موراد هل الشين = ومن كان صاحب مقدر ابيح سده قلت ابتعد من ضمن ناس بعيدين = وكلن نصيبه من حياته يسده خذ راحتك لا صرت ضمن المقفين = وكبَّر تحت راسك حرير المخده يا صاحبي لو ما ملكت الملايين = يبقى رصيدي صدق نخوه وشده بنخوتي أعيش عيشة سلاطين=واترك هزيل الهرج وأعيش جده بصدق ودي يرجحن الموازين = ما انتابني عن وقفة الطيب رده محيط تفكيري سليم القوانين = ماهو بحر يضنية جزره ومده بيني وبينك يفرقن العناوين = انا بنيت الود وانته تهده الصقر يفرد لا ترفع جناحين = وعن صيدته ما فيه شي يرده خلا الوطا دار الطيور المساكين = طموحها نحو الفضا ماتمده يا صاحبي لو صرت ضمن المعادين = سيفي على شرواك ما اسل حده سيفي يرافقني بكل الميادين = على سروج الخيل والا الاشده اعيش هقواتي على العسر واللين = ولا انتظر من صاحب المن مده تقبلوا تحيات سعيد الغامدي |
سعيد الغامدي
مرحبا بك واهلا بعودتك متمنين ان نراك متواجدا بيننا اما القصيده فصح السانك وشاعرلم نجد منك الامايسرنا لك جزيل الشكروالتقدير |
سعيد الغامدي
مبدع كعادتك يا القرم صح لسانك و لاهنت ابد و كل عام وانت بخير يسرنا عودتك ولا تطيل الغياب تحية طيبة ريف .,. |
سعيد الغامدي
شاعر عرفناك منذ زمن وهانحن نلقاك هناء ياهلا وسهلا بك وصح لسانك وعلاء شانك تحياتي وتقديري |
الغالي الشاعر سعيد الغامدي كل عام وانت بخير والشهر عليك مبارك والله انه يسعدك بجميع اوقاتك بكل خير واسعدني ان اكون من ضمن المصافحين لهذه القصيده الرائعه و الجزله وما تحمله من معنى من شاعر متمكن وجزل بفعله وشعره وصح لسانك وعلا شانك مليون ولايكفون تقبل تحياتي |
اقتباس:
أخي خلف العاطفي الله يسلمك ويعافيك نلتقي لنرتقي صح قلبك وفكرك تقبل تحياتي |
| الساعة الآن 10:32PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية