شبكة رهب الأدبية-ريما محمد السديري

اعـيـش فـي حــالـي و ربًـي عـطـاني
وارث و حـارث شي مـاكان لــي فـيــه
و امـن الـبــهـو فـالـمـعـنــويــه مـكاني
عيشـة سعيـد و صـاحـب الحق مغلـيـه
و الـمـادح الـكـذًاب لـبـق الـلــســانـي
بـرًاق صيـف و رعـد فـي ساحـة التًـيـه
لـكن من سطـوة حـسـوُفــه نــصــاني
و امع المـعـيـه صرت بالضـحـك اجـاريه
و امـن القـصـايـد هـلً جـزل المـعـانـي
خـلاًنـي احـلم حـلـم مـانـي بــراعــيــه
و عــدًد مــزايــا مـاعــرفــهـــا زمــانــي
بـغـيــت ابــيــع الـلـي انـا كـنـت شاريه
و الـبـس لـبـاس ن فـصًـلـه هـيـلمـاني
و الصـدق اعـيًـب صاحـبـه يـوم يطـريـه
مـا كـنـت اظــنً انــه بـقـولــه هـجــاني
و مدحـه شتـوم وضـحـك بالًي مسويـه
و من الذهـول اتـقـول شـيـئـن غشاني
مـن عيش كـذبـه و المخـالـيـق تـوحـيـه
احـسً فـي بـسـمــة فــلان و فـــلانــي
هـمـسـة شـعـورن عـكـس للًي يـبـدًيـه
و اقـول هـذي مـلـطـشـه بـالـعــيــانــي
اضـحــك و ذمًـامـي يـصــفًــق بـايـاديـه
و سألـت نـفــسي يـوم ربــي هــدانـي
يـاهــل تـرى مـنـشان حـظوه و تشريـه
لـيـش الـفـخـر بــالــرزق يـامـودمــانـي
الله عـطــا و اتـنـافـسه مـن عــطــاويــه
ان كـان مـايـرفــع مـن الـقـــدر شـانـي
الا زهـوف الــكـذب وش عــــاد نـرجـيــه