شقت بـروق الوسـم صدر المزابيـر = وكسـا الحيـا في نجـد راس الفـقاره
ولبست فياضـه مـن عـراها نواويـر = وشـاق المغني سـجة ٍ فـي خـضاره
يوم انتخـــت داري ببنـــت المناعير = فاضت مشــاعرها بشــوق وحراره
حضــــرتها فن ٍ وبراعـه وتقــــدير = من صلب هامة شايب ٍ في الصداره
وغنيت فـي دار الملــوك المشـاهـير = فـروخ جــير ٍ مـن مواكـر صـقاره
نسل الحصـان اللي حداها على البير = عبــدالعزيز اللـــي حكمـها نعــاره
من سـطوة الدندون ساق القدم سـير = ليـن اعتلـى بالسيف فـوق المناره
واليـوم عبـدالله طلـع طلــعةٍٍ غــــير = شـــهر بهـا بيـن الدول للحضاره
سـطر له التاريخ في نجــد تسطــير = قسـمه من النامـوس فـي كل غاره
انا اشـهد انه طــور العلـــم تطـــوير = محـى الجهل يوم اجتول في مداره
اليا بطـــش حد ٍ يقـــص المســــامير = واليا عطــى يجـبر كسـير الجبـاره
ملك قلوب الناس شـعب وجماهـير = ذرا اليتــاما والأرامل بداره
سدد قروض الشعب من دون تقصير = واعتق سجين طاح وسـط الخبـاره
الطب خصص له مســاحه وتعمــير = والأســـكان سيس له بنـود وزاره
الشعب دآم بخـــير فـي ظـله بخــــير = والدار ياعز البـلاد وقـــاره
الله يفكـــه مــــن صـــوف المقـــادير = ونفسك عسـاها من خطاها مجـاره
ياســيدي ســـتر البنــي الغنــــــادير = الشعـب بايعـك الولا في قـراره
لا يرهبــك يانجـــد حــس الطـوابـير = وأســم الولي خـفاق داري شـعاره
دونـك عيـال ٍ ك السـيوف البواتـير = ودونك شيوخ ٍفي اللقا ك النماره

المشاركة الأصلية كتبت بواسطة حره ماتنقاد (المشاركة 349586) صح لسانهاااااا وتسلم يمين ناقلها ... رازه خشتي هنا هع ^.^ ووبالتوفيق ان شاء الله

المشاركة الأصلية كتبت بواسطة عقاب (المشاركة 349591) عبدالعزيز الله يخليها لك ويخليك لها يارب بالتوفيق ان شاءلله تحياتي .

المشاركة الأصلية كتبت بواسطة سفير المعاني (المشاركة 349592) الغالي الشاعر عبدالعزيز الشلوه الله انه يسعدك بجميع الاوقات اسعدني ان اكون من ضمن المصافحين لقصيدة ابنتك في خادم الحرمين حفظه الله الله يوفقها ويسعدك ويسعدها وماهو غريب ان تكون شاعره وهي ابنتك وانت قدوتها صح لسانها مدد بلا عدد تقبل تحياتي