سألتها من يموت اول عن الثاني=قالت انا قلت فال الله ولا فالك
قالت لي احلم تخليني باحزاني=اعيش ذكراك واسقي ورد اطلالك
الله بعدك حبيب القلب لــ .. حياني=العمر كله ولا يسوى بمثقالك
ما يكفي العشق انحلني واعياني=جيي تسابق بموته دامت افضالك
قلت العزا يا حبيب الروح خلاني=اشوف في عينك الحلوه قسا نالك
احساس فيني بكل الصدق افتاني=احساس ما يقبل القسمه بمكيالك
يكفي وجودك ونبضك بين شرياني=يكفي اشوفك ولو ما جيت في بالك
في كل لحظه يهز الشوق اغصاني=ويهب جــِـنّ اليماني صوب زلزالك
شوف الزعل في ظنونك كيف اقصاني=وكيف تذبح حشايا طيش افعالك
اضم طيفك كما طفل(ن)باحضاني=وان غاب ارسل حنيني غدر يغتالك
خوفي عليك ما يردّه غير كتماني=اخاف لو صحت ترثا لي وارثا لك
فيني عطش ما شربت الا واضماني=عشقك صحاري بلا واحات يحلا لك
يعني لك الموت وانا عنه تنهاني=ياليته الموت لا جا لي ولا جا لك
عطرك نثرته على صدري واكفاني=تشيل نعشي ولا قالوا انا شالك