شبكة رهب الأدبية-ريما محمد السديري - ديوان الشاعر عبدالله الكايد

https://dl.dropbox.com/u/11374353/Abdullah/33.png

موقد رماد
موعد الصبح قرّب وانت ليلك طويل
...................كِنّ مالك من اهلك (حي) تتفقده
قوم اشوفك..اشوفك؟!! يعني (المستحيل
...................جثةٍ في تراب الظــــن متمددة)
هذي الشمس فلّت من ورى الما جديل
...................شوفها من خجلها كيف متردده,!
استخارت و شقّت في سماها سبيل
...................تفتح ابواب جوف ابوابنا الموصدة
وابتدا كل (ظلٍ) من عديله يسيل
...................الشجر / النوارس / (انت),! و الاعمدة http://up.rabe7.com/get-10-2010-k6x4k21b.gif
انت؟!! وينك فقدتك بينهم يا هزيل
...................لــيــه؟.. ما لك عديل تجيه في موعده؟!
من يسمّي عليك ان طحت منهم عليل؟
...................من تربّت على كتفك عشانك يده؟
عُود احبك و احبك و اتبعك لو تميل
...................عود و املا سكون الأرصفة عربدة
لك علي ما تمر شفاي "خلّك ثقيل"
...................لا تهاوت من اللهفة عليك أفئدة
عُود الونك و اخلع يا ظلال النحيل
...................عنْك هذا "الرماد" المنطفي موقده
و ان تمسّكت في غيرك واخذته بديل
...................ما تمسّكت فيه الا عشان افقده ,!
ودّي ابكي معك ليلة و اجر العويل
...................و اجمع الليل ,طول الليل, و اتنهده http://up.rabe7.com/get-10-2010-k6x4k21b.gif
البكا.. مو حرام نعاشره والدليل
...................للعبادة فـ وجه "امّك" بنا مسجده
حسبي الله على اجدادك و نعم الوكيل!
...................ما عطوا للدموع جناحها تفرده
عُود اصلّي معك لله ركعة و اشيل
...................ذنْب سهوك وغيري عنْك من يسجده
انت حبّك عبادة و اجر حبّك جزيل..
...................عند ربّي و ربّي عن خطاك اعبده
هذي الشمس "لفّت" من ورى الما جديل
...................وانت,؟ موعدك غاب الصبح عن موعده,!

https://dl.dropbox.com/u/11374353/Abdullah/XX.gif

ساعه حياد
لو قلت , بالنجم اهتدى من تاه و أعياه السهاد
...................البارحة والريح ما تبّت عن اطرافي يدا
من يهتدي يا سيّدة للضوّ من تحت الرماد؟
...................من يستمع صوتي ؟ ومن يحبس عن الصوت الصدى؟!
يا آهتي جيتي تعريني من ثياب الحداد؟!
...................أنا الحداد اللي على وجهي من غيابك , بدا=(
جيتي مطر يستغفر الرحمن عن ذنْب العبادhttp://up.rabe7.com/get-10-2010-tbe2oz11.gif
...................وانتي ذنوب عباد ما مرّوا على درب الهدى
جيتي من اقصى حنجرة فلاح في موسم حصاد
...................اعياد شكر و ذكر و خشوع و تناهيد و حدا
فدا , يغني ما غدا للطير ؟ في يوم المعاد
...................ان عاد ؟ ما له غير أغنّي له, على عيني فدا
جيتي غرور ام بـ طفل يكره يحاصره المهاد
...................كانت تغنّي له عشان يدوزن الخطوة ( هدا
هدا , وثارت, ما هدا باله من الدنيا ,,عناد
...................استقبل الشمس وحذف بـ عيونها ( سن ) و عدا!
لليل؟ للمجهول؟ للبرد؟ لـ عيونك؟ للبعاد؟
...................للضفّة اللي ما لعابرها من الضفّة جدا؟
والله تشتّتّ اجمعك منّك وفي الظلما بلاد
...................مافيه للظامي بها ليلة يبلله الندى
أنا اشتهيتك ( غطرفة) تفهق عن الليل السواد
...................آه اشتهيتك ( رقص ) يتسلطن على أكباد العدا
أولاد ابـعتقهم معك لله عن ظلم القياد
...................يمكن تكون أيامهم , وجهك و صوتي و المدى
لله أنا , من ينزع اطرافي من اطراف البراد؟
...................النجم تاه وتاه من بالنجم يا رب اهتدى !
أنا انطفيت وما بقى تحت الرماد الا رماد
...................أنا (انتهيت) وما على شفاهي حبيبي , ماعدا
يا رب عطني من تطرف ليلتي (ساعة حياد)
...................ما انتظر فيها ولا أفقد من الدنيا , حدا

https://dl.dropbox.com/u/11374353/Abdullah/XX.gif

الجوع
أسهل من الفرح /جرح/ آكون .. تكوينه
...................وأصعب من الـ جرح ، ياجرحي مداواته
اقسى من البعد ، كلمة ... صاحبك وينه..؟!
...................واجمل من القرب ... بعدي عن نهاياته..!
صاحبك ..؟ حاضر غيابك ... بينك وبينه
...................يا من غيابك . حضور لـ كل مأسآته
ما كنّك انت المهاجر....عن نظر عينه
...................ما كنّه ،، الا المهاجر عنه .... من ذاته
صاحبك .. والجوع ينهش في شرايينه
...................تخيّل الجوع ..!! حتى الجوع يقتاته..!! http://www.algllb.com/vb/images/smilies/frown.gif
ينهش يدينه (طغى) ويقبّل يدينه
...................مسكين صاحبك ..دوبه دوب نياته
صاحبك والحرف ويّا البعد وسنينه
...................(الكل) يرمي على (الكل) انكساراته
البعد...؟ عيّا على خاطر مجانينه
...................لا الجرح .. جرحه .. ولا الآهات آهاته http://up.rabe7.com/get-10-2010-k6x4k21b.gif
الحرف ..؟ هاجر ..وهو يلعن شياطينه
...................صاحبك..؟ قاعد يسب ويلعن أبياته..

https://dl.dropbox.com/u/11374353/Abdullah/XX.gif

طفل الحكي
قهر.. لاضاقت الدنيا بعين الصقر والصقار
..................قهر.. لاصرت انا الكايد وصار الكيد قتّالي
قهر.. (طفل الحكي) يعبث بصدري والضلوع اسوار
..................وانا مجبور اهد اسوار صمتي عنك.. بـ قوالي
انا بي عبرةٍ خجلا تبي تلقى لها معذار
..................وانا في داخي كلمة لها بالروح زلزالي
أخاف انهار كاتمها ..واخاف اقولها وانهار
..................وانا مابينها محتار بالي ياهوى بالي
انا ودي اقول اني احبك ..واقصر المشوار
..................ولو ما قلتها. تشهد على هالكلمة افعالي
تخيّل.. لاتذكرتك وحامت حولي الافكار
..................ولو اني بوسط الناس ..كني قاعد لحالي
تخيّل كل ما هب الشمال تقفّي الاكدار
..................ولو ماني شمالي/ن/يكفّي جرحيَ شمالي
وبعد الجرح الغربة احس اني بوسط الدار
..................أكايد روحي بروحي (واميّل لجلك عقالي)
أنا عهدٍ علي ابقى حبيبك.. دامها الاقدار
..................تساعدني.. وابي منّك يا جرح الروح تبقالي
أنا (قادر) اقول اني احبك واقصر المشوار
..................ولكن العذاب اللي مع (شرواك) يحلالي http://www.vb.eqla3.com/images/icons/004.gif

https://dl.dropbox.com/u/11374353/Abdullah/XX.gif

جاره الوادي

حني علي أكثر
يا جارة الوادي http://up.rabe7.com/get-10-2010-vodfqdqj.gif
لو غصني الدفتر
انشادك انشادي ..
...........كان الزمان أغبر
في يوم ميلادي
الأرض تتعثر
...........والا أنا؟.. هادي
كم خاطر
......................تكسّر
من ضحكة أندادي
ألتم.. واتبعثر
......................واقول شي عادي
مهما كبرت أصغر
قالوا لي أجدادي
...........ودي أصير أكبر
وآفارق مهادي !
استوطن المهجر
...........واهجر عن بلادي
والله لاروح"...."
......................لعيون حسادي
خطوات واتعثر !!
ويموت ميلادي ..
مكتوب ومقدر
يقتلني عنادي ،

https://dl.dropbox.com/u/11374353/Abdullah/XX.gif

محتاج أخاف
كان..طفل يتهجّا حِلم عُمْره و شاف
....................أجمل العمر.. ( بيتٍ ) في الخيال انشطَبْ
يمكن يكون بحرٍ ما لـ باله ضفاف
............................ويمكن يكون شعر بـ ضفته م انكتَبْ
غصّ حَلْقه.. بـ دمعة ياس وارخى (اللحاف)
.............................بِ يتطوّى ويبلع ما بـ حلقه نشَبْ
افتقدته .. خطا منّي.. بـ ليلة زفاف
.........................والتقاني .. خطا منّه.. بـ لحظة غضَبْ
من يقول المدينة.. لك نهاية.. مطاف ؟
.................... ما درى ان المدينة .. لي بداية.. تعَبْ..!
ما غصبتك عليها .. وانت نفسك ، تعاف..
...........هذا .. انا عفت نفسي ، من هو اللي غصَبْ..؟
أنهكتني .. وانا اكذب (ما عليّه خلاف)
......................... لا عليها السلام .. ولا عليّه عتَبْ..!
شفني انسان متذمّر .. من انسان (جاف)
........................ لا حديثه حديث ، ولا سكوته(أدَبْ)..!
وانت ، بينك وما رفرف بـ عينك وطاف
............................والمآذن و زمزم والمشاعر (نسَبْ)
افتقدتك.. و حالك زي حالي كَفَاف..
........................واكبر احلامنا .. عيد و (طَواقي قَصَبْ)
اذكر امّي توصّي..(كلمتينٍ خفاف)
.................. مثْل ما (هيّ) تعلمنا .. (سلوم العرَبْ).!!
كانت اول (خطاوينا) بـ (مكّة) .. طَواف
............................و اذكر اول (خطايانا) شقاوة هدَبْ
معْ هدبها تَعلَمنا وش الاختلاف
...................... وان صعب الكتابة..،هي.. كتابة صَعَبْ
(عَلّميهُم).. وأكون السالفة والخلاف
........... في حديث السهارى / ضوّهم / و (المشََبْ)
انثني (غُصْن) في كبد السنين العجاف
................مِن عِناده .. نبَت عُوده.. فـ (وجه المهب)!
كوني.. الغيم .. محتاجِك ، ومحتاج، اخاف
....................كوني (الخوف) !.. من غيمة تدور سبَبْ..
كوني.. الما و (سلمى) في عيون الجفاف
........................كوني.. الأرض لـ اهتزّت تحتنا.. طَرَبْ
كوني .. (البْرْد) لا هدّ النحيل ارتجاف،
.........................لو تكسّر من الرجفة بدينك... حَطَبْ..
يمكن يكون شاعر .. ما لـ باله ضفاف
....................و (يمكن) آكون شعر بـ (خاطره) وانكتّبْ http://up.rabe7.com/get-10-2010-tbe2oz11.gif

https://dl.dropbox.com/u/11374353/Abdullah/XX.gif

مرتاب
من كثرهم مرتاب مدري ,
منين ابدا؟
هذي وجيه اصحاب والا وجيه اعدا؟!
اطيبهم الكذّاب
و
اصدقهم الاردى !

تراب فوق تراب يمشي بلا مبدا !

https://dl.dropbox.com/u/11374353/Abdullah/XX.gif

الصمت
كيف (انقش الما)؟! بالهوى علمتني!
.........................وكيف (اجرح الظلما)؟! معاها تعلمت
وكيف السحابة تنثني فوق متني
.........................وكيف أحترق واندم على ما تندمت
أحيت بي الفرح اليتيم وحيتني
.........................وانهت بي الجرح القديم وتبسّمت
من ساس إحساسي لـ راسه بنتني
.......................تقسم لها جروحي بـ ربي وانا اقسمت
وفي ليلة الفرقا حصل يوم جتني
.............................فوق اليدين اللي بنتني تحطّمت!!
ماني مصدق كيف روحي جفتني؟!
.............................ماني مصدق كيف منّي تيتمت؟
لو اليدين اللي خذتني عطتني
...........................ما كان يا جرح الهوى فيّ وسّمت
ولو الحروف اللي حكتها، حكتني
.........................ما كنت اجازف واجرح (الصمت بـ الصمت)
في موقفٍ فيه انتهت . من بدتني
.....................................آموت واحيا به وانا ما تكلمت
حتى ف (امان الله) ما طاوعتني
...................................ما غير بالدمعة لها الحال ترجمت
دمعة ألم (خجلا) عليها بكتني
.....................................طاحت على كفّي ومنها تألمت
اقفيت وعيوني لها خالفتني
...................................ورفعت كفّي من بعيدٍ وسلّمت http://up.rabe7.com/get-10-2010-tbe2oz11.gif
واللي جرح روحي وناره كوتني
..................................إنّي مع نفسي حكيت وتلعثمت
المعذرة لو قلت يا فاتنتني
..........................مابه حكي يوصفني ابلغ من (الصمت)

https://dl.dropbox.com/u/11374353/Abdullah/XX.gif

الكاس
خطا هالكاس، يوم انه ، ظما ، وانهار لترابك
................خطا ، سبابتي ، صحوة ، تراعي غفوة ابهامي
تخاون لظما ، كفي، وكفّ الكاس بـ اسبابك
...................مصيبة ، من خبر ظامي ، يقوده للظما ، ظامي
من اللي في يد (الاول) تحطم شوق لعتابك
...................من اللي في يد (الثاني) حزين وخاطره ، دامي
عزاه .. اني اردد. له . ترى ما صابني ، صابك
...................عزاي أنه .. يردد.لي . حطامك .. يشبه حطامي
بعد ، ما قفّن رياح الجفاف الهوج بـ اسرابك
.........على (بعضي).. طغى..(بعضي) وظمّت عيني.. اكمامي
وغبت .. بداخلي ، غيبة بقايا عطر .. بثيابك
..............................ادوّر للأمل فيني سحابة .. تغرق آلامي
واسابق روحي الولها من اسبابك على .. بابك
.........................واقول الروح تلحقني واشوف الروح .. قدامي
على بابك تسابقني .. تسب وتلعن غيابك
.................ولا .القى للصدى .. صوتِ يردّ الروح لـ احلامي..!
دخيلك ، لايجي للريح .شرهه. تجرح ابوابك
..........................دخيلك لا يجي للبرد ما يغريه بـ عظامي
دخيل الليل . وطعون الغرام. و(سكرة) اهدابك http://www.vb.eqla3.com/images/icons/004.gif
.................دخيل الضعف .. يا (ذنبي) وكل ما (يجرح صيامي)
طلبتك.. لاتخليني اجوعك حب .. اظما..بك
.................مدام اني على بابك تسابق روحي . اقدامي ..!
عزا .هالكاس .. يوم انه ظما .. واحتاج لـ ترابك
.................وانا... ما بلل اكمامي .. عطايا وحشة ايامي..!
مثل ما مُتّ في جوّك غرام آموت بـ ترابك
........................ويبقى عذري الواهي يراعي غفوة ابهامي

https://dl.dropbox.com/u/11374353/Abdullah/XX.gif

المجهول
(صعب أسهل ) بدايات الرجوع لـ سكة المجهول
.............................بعيني والرجوع (اصعب) بداياتي من (اسهلها)
من اول رحلتي فيني .. طعن زهر الشباب ،ذبول
.......................وش آخرها.؟ مدام اقسى طعوني جت ، من اولها!!
(خيالي ، واقعي) شفته يحيّر في فضاه عقول
................................ من المعقول يرسم لي حقايق.. ما تخيلها
ترى ما يجرح العاقل من الدنيا .. سوى المعقول!!
.................................وانا المجروح من دنياي ..لو ما كنت عاقلها
ورى مستقبلي الماضي إلى الحاضر ، وش المحصول
.............................إذا الماضي من ايامي أشوف الظلم بـ اعدلها
هنا.. ضمّتني احزاني ..بعد ما غبت لي كم حول
................................. هنا.. سكّين لـ معانق شرايين الفرح ولها
هنا.. علّقت دمعاتي على اقدام الليال .. حجول!!
................................. هنا .. ما حنّت البسمة علي وقلت ازعلّها
هنا.. والا (هنا).. يكفي ، عجزت اوصف ، عجز آقول
...............................عجزت اجمع ألم بابل .. حزن دجله واموّّلها
عجزت آروّض بـ صدري صدى جرح وجموح خيول
...................................أنا مدري غضب والا بـ قلبي تلعب وتلهى
وقفت ..وما وقفت الا .. ادوّر للحلول ..حلول
................................. ابعثر ما ورى نفسي ..إلين اثقلت كاهلها
تعبت احمل من الذكرى على المتن النحيل ..حمول
.............................وانا نفسي وهي نفسي وربي ..ما تحملها http://www.vb.eqla3.com/images/smilies/frown.gif
لأني كل ما أقرب ، اشوف ان الطريق يطول
.........................وهو صعبٍ علي ارجع .. والاصعب كيف اكمّلها؟!!
أخاف ارجع والاقيني على هاك الـ (هنا) مقتول!!
............................. واخاف امشي لآخرها واشوفه .. يشبه اولها

https://dl.dropbox.com/u/11374353/Abdullah/XX.gif

العيون أفواه
يتوهـ الضو في ليلٍ من الظلما فـ بعضه تاه !
مثل ماتوه وآفتّش
....................فـ عين الحرف عن مهرب
على قد الغموض اللي تمادى بي فـ عينه: آآهـ
على هالآهـ ؟!
..........تتمادى عليّ عيونهم وأتعب
عيون الناس و ( الما ) في عيون الناس من يظماه ؟!
على حد الهلاك تغنّي ازهاري ( ظماه أعذب ) !
يـ عين امّي
..........نسيت اذكر وصاة ( أن العيون افواه )
مثل ما ناكل ونشرب
....................تعبنا تاكل وتشرب
أنا أذكر كل ما قلتي ( عشان أرضى عليك أنساه )
أكيد أنساه ؟!
....................وآغمّض عشان رضاك لا يغضب
إلى يومك وأنا هادي مغمّض ما فتحت شفاه
على نفسي ومن نفسي عليها أنطفي وأشتب!
أنا لله أحب الناس و أكرههم كذا لله
حسافة
....................ليتني لله منهم أنكره و أنحب http://up.rabe7.com/get-10-2010-tbe2oz11.gif
كسوني ثوب جردني من أحلام الطفولة : ياه
كبرت !
................وذاك في صدري إلى البارح وهو يلعب
خذوني طفل ما كدّت " اماني " شعرها لولاه
رموني صبّ متهالك مشرّد شاعر و أعزب !
يـ يمه قولي ان قالوا نبي قربه عشان الله
عشان الله
................خلوني تراني من بعيد أقرب
أنا بي جرح مدري مين ابوه ؟
و ليه ما سمّاه ؟
أنا لي وجه خلاّه الجفاف السرمديّ أشهب!
عليه اعتب إذا شفت الوجيه من الوجيه اشباه
أعرفه يستحي مثلي
ومن ( مثله) عليه أعتب ؟!
عشان أرتاح قلت أشطب فـ صدري بالكتابة ( آهـ )
................................كأني ما شطبت و ما كتبت إلاّ عشان أتعب ! http://www.vb.eqla3.com/images/icons/icon9.gif
https://dl.dropbox.com/u/11374353/Abdullah/XX.gif

التعويذه
تحت تأثير ( الكحل )
...............يلعن , نعاسه
كان رمش و كنت انا و ابليس وسـ وسـ
فوق راسي كلّها من تحت راسه
...............يفتح الخنّاس عين الناس للـ ( مَس )
في عيون الناس . ناس اكثر شراسة
...............توّها تصحى و توّ الليل عسعس
آهـ من يقرأ " تبارك " وسط كاسة
تستوي لي "حرز" و اشرب وآآتنفّس
مو عشان يبلّ شرياني يباسه
لا ..

...............عشان الجرح و ( الكاس المقدس )

https://dl.dropbox.com/u/11374353/Abdullah/XX.gif

الجرح
تبي تشوف الضياع بصورته ..؟ شفني
...............شف يا(عيوني)..
عيوني ..تعرف اوضاعي
من دون داعي ، تعانق دمعتي جفني
وشلون لا صار يوم وداعك الداعي؟!
( الجرح ) يعطش..؟
.........وانا الاوجاع تنزفني؟!
ما يعطش الجرح دام الساقي اوجاعي
تزرعني الريح بـ انفاسك ..
...............وتقطفني
وآروح معها ، مثل ما روّح شراعي !
هذي (ذراعي) إذا ..حبيت، تخطفني
تحضن ذراعي .. أو انك تلوي ذراعي!
ما دامني معك ،
...............خل الظلم ينصفني!
كل ما تجيبه سماك.. تعيش به قاعي
خذني لحن من ( زمان الصمت) واعزفني!
وآصير انا الناي ..لا.. والذيب والراعي
...............ميل وتمايل قبل ما الدمع يذرفني
وان ضاقت الارض ، تحتك ...
...............هذي اضلاعي http://up.rabe7.com/get-10-2010-k6x4k21b.gif
العب طرب فوق هذي العوج ..
....................................وارجفني
اطرب عيوني ،قبل لا تطرب اسماعي
وان شفتني آتساقط ..
.............................لا توقفني
واعيك ...(غافي حزن) يالغافي الواعي!
اجهلك.. واعرف ..
كثر ما اجهلك ..تعرفني http://up.rabe7.com/get-10-2010-k6x4k21b.gif
الحزن طبعي ..واشوفه أجمل اطباعي
الجرح يظما ؟
وانا الاوجاع تنزفني؟!
وشلون يظما وانا (الما) يشرب اوجاعي

https://dl.dropbox.com/u/11374353/Abdullah/XX.gif

الكآبه
ان كتمت الجرح.. من طيبي.. ولـ عيون الأخوّة
وان ;كتبته.. ما كتبته غير.. لعيون الكتابة
الكتابة؟..جرح..
...................يا جرحي. وضعفٍ فيه قوّة
والكآبة..؟
..............غيب فيني.. تعرف حدود الكآبة
والمشاعر لو ابخفيها،
........................غصب عنّي، تفوّه
والقصيد يدق بابي...
...............لو... ما دقيت بابه
غارقٍ (حضرة جنابي).. في هوى (حضرة سموّه)!
وفي هوى (حضرة سموّي).. غارقٍ (حضرة جنابه) http://www.eqla3.com/vb/images/icons/mail.gif
والاجابة ..،
يالسؤال اللي تسميها .مروّة
أي مروّة.. وانت حاديني على..،( مرّ الإجابة)
هو أنا اللي ..من عذابه يرفق بحاله عدوّه؟!
والا انا اللي.. دون فرحه وقّفوا كل القرابة!؟
هو انا ذاك (الصغير)..
........اللي بدنيا الحب توّه؟
والا انا من(ضاع عمره) بالهوى وافنى شبابه؟
هو انا اللي ..عن (سيوف البرد) قام وشب ضوّه
ما درى إلا وناره احرقت زاهي ثيابه http://www.vb.eqla3.com/images/icons/004.gif
والا أنا ذاك اليتيم الجاهل ابمعنى الابوّة..؟
إنجرح صوته. وهو يسأل..
.........................ولا حيٍ درابه
من عذابه.. يسأل امه. كيف غاب؟ و وين هوّه؟
يسأل امه من عذابه، هو متى ينهي غيابه؟!
كل فرح ،
..........وكل جرح/ن/
..........في طرف عيني.. تشوّه
ضحكتي فيها. (غموض) ودمعتي فيها (غرابه) !
سو فيني يا زماني كل ما تبغيه سوّه
والا انا (ماعاد تفرق)..
..........دامها الاشيا تشابه
والسؤال اللي من اسبابه لقى(المجروح جوّه) !
انتثر همّه حروف وعاد (لجنون الكتابة)
وارجع آقول
.................الكتابة.. جرح( ضعف) وجرح (قوّة)
والكآبة غيب فيني (تعبر) حدود الكآبة

https://dl.dropbox.com/u/11374353/Abdullah/XX.gif

الحلم اليتيم
غَافَل النسناس ، شعلة في بدايات النهاية
توّها تنعس
.........واخذها من فم الجمر وعطاني:
الظلام وهمهة جرح يتوقّد في حشايه
.....لاخطفني من يدين الليل في فمّه رماني
ان سكت..
تاهت بي الخطوة عن دروب الهداية
وان حكى من خاطره ..
................................أيوووه للظلما حكاني..!
عسعس الليل
وتنفّس حِلم مجهول الحكاية
................مو عشاني كل ما عسعس عليه الليل جاني،!
له وطن ..
ما يحرمه في داخل المحروم ..
رايه له من احساسي بساتين ، ومن افكاري مباني !
الوحيد اللي يقف ضدّي
..............................واحس انّه معايه
فيه اماني
............واكثر ايماني يخاف،
....................................افقد اماني
له من الليل الهدوء وصوت (متعبّد) بـ آية
ولي من الحلم اليتيم ، الحلم و اليتم وزماني
بـ ابتسامة ..!
................يخنق انفاسي على صدر الوصاية
(للمرايا حق واحلام ومشاريه وأماني)
قلت والناس؟ ..
ورضاهم؟
عن سخطهم فيه غاية قال من فيهم .. يوقفّني ..
................................................ول ا يجلس مكاني؟!
يكفي انّك شفت منهم ما عمى عين المراية
................................كان ودّك تبقى (الاول) لا تكون (الاولاني)!
ما على بالك يموت بـ صمت في نصف الرواية
................زلة لسان و تكون انسان .. بس انسان ثاني، !
لا تقول الناس.. لو (فيهم)!
خطاك انت وخطايه عشتهم
................عمرك و ابيك تعيش لو (ليلة) عشاني
ودي انزع من جناحي (ريش ليل آخِر غواية)
................وآخذ من الصبح.. (ريش آخَر ) بدال اللي كساني
وآتنهّد من حطام اسلافي الرحّل ..
................حداية تقطف احساس الثريّا ورد ، لـ سهيل اليماني
وآتهيّا للبحر مقهور واضربه بعصايه
................(ضربة الخايف) ولو قلبي من القسوة يعاني!
ينفلق (قافين) بـ اذن اللي جبر خاطر ،
................رضاية وآتشظى في (شفاه) اطفال خلق الله آغاني
وان تعبت وشفت في وجهي من الغيمة ،
................................................ضم ايه
بـ اجمع احساسي واغنّي لك "سقا الله من سقاني"
لانّك اطهر وجه اشوفه (غاب) في وجه المراية
................واعظم اعظم من يوقفني..،
................................................ول ا يجلس مكاني

https://dl.dropbox.com/u/11374353/Abdullah/XX.gif

خطاوي أعمى
البرد والخوف والتشريد والساري
والعزف عــ النـزف والآهات والظلما
وأنفاس (سلمى) وانا .. لا .. صدري العاري
...........كلما تنفّست ضيق .. تنفّست (سلمى)http://up.rabe7.com/get-10-2010-tbe2oz11.gif
(خمّارة الحرف) ,
ويني ..؟
.....وينها دياري.؟
...........تعبت ارتب وجيه الناس عــ الاسما..!

الأرض .. كف التعيس ،، وخطوتي .(قاري)
مع كل خطوة ,
...........أضيع
...........وانجرح ..
.............و ادما
خطاوي اعمى .. بــ ليل اظلم من اقداري
جيتك ... وكوني إذا ..جيتك..(عصاة اعمى)
اشعلك ظلما ،،
...........تكسّر خاطر انواري
والقاك.... ظلما ..!
...........توديني عيون الما
واشربك واضح ...
...........وازيد اشربك متواري
خلف الظما . بس ..
...................... مهما أشربك أظما
(مهما) تكونين , اكونك غربة افكاري
تعبت منْك ,,
ومن افكاري
ومن
(مهما)!

عبث أصابعك بـــ شفاهي وبــ زراري
يا ضيقة الصدر لو ما فكّته ,لو....(ما)
اتنفّسك ذنب ..
...........واستغفر ..! وانا داري
اذا تنفّستك أغرق ,, بس اكون (اسمى)
عشان اعلّم ذنوبي.. قيمة اعذاري
...........وآعلّم (الضي) وش هي قيمة (الظلما)!

أتمنى أن يعجبكم الديوان كما نال إعجابي بشده :e: