|
ابي تقييمكم يهمني لاول قصيده في حياتي..اضعها بين ايديكم..
السلام عليكم ورحمة الله وبركاته..
الى شعراء وشاعرات هذا المنتدى الرائع.. ولكل متذوقي الشعر.. انا عضوه جديده اتمنى ان اجد لي مكان بينكم .. ولثقتي بِشُعّار هذا المنتدى.. اضع بين يديكم اول قصيده اكتبها ... بعد موقف صار لي.. واكيد راح يكون فيها نقد واخطاء..اتمنى تزويدي بها.. واتقبل النقد بصدر رحب...وعلى احر من الجمر.. واريد تقييمكم للامكانيات..ولكل كماليات القصيده.. مع العلم اني قبل ماكنت من متابعي الشعر باستمرار..لكن اسمع له من فتره لفتره.. وفجئه امسكت بقلمي وكتبت بعضاً من احاسيسي.. اغار عليك حبيبي سامحك ربي فتحت اوراق منسيه جرحت القلب يالغالي دخيلك احسن النيه احبك واعشقك واهواك وابيك بكل حنيه ومن حقي اغار عليك واحار كل ابو بنيه تــرى لاقـربـن صـوبك تجـن بداخـلي الغــيره واحس اني احبـك زود وتزيد بقلبـي الحــيره وصرت اكره بناـت اليوم وحتى اكره الجيــره وابي نـبعد انا ويـاك ولانـطـري لــحد ســيره نعيش بجونا صافي وكله حب ورومانسيه او (نعيش بجونا صافي وتدلعني برومانسيه) تضم محبتي بقلبك وتغمرني بحنيه واعيش بعالمك وحدي وانسى كل من ليه دخيلك بس افهمني يااغلى من سكن فيه احبك ياغلا روحي وعشق القلب واثيره ابي اسعدك ياعمري واعيش وياك انا اميره ترى قلبـي تولـع فيك وزادت فينــي الغيــره حرقـت القلب ياخلـي ترى مـالك ابد غـــيره او (حبيبي ارفق بقلبي ترى مالك ابد غيره) اتمنى ان تنال اعجابكم.. وانتظر نقدكم بصدر رحب.. وارجو الرد بخصوص الابيات التي كتبتها بصيغتين واختار ماهو مناسب واعدل على الموضوع.. وشكرا لكم مقدما.. |
اختي احساس انسانه اسعد الله اوقاتك بكل خير اختي القصيده لها شروط 1-الوزن 2-القافيه القافيه لازم تكون الابيات فالشطر الاول والشطر الثاني على قاف معين وفي بعض الاحيان لا يشترط للشطر الاول قافيه بس الشطر الثاني لابد من القافيه مثال يامشـرف المرقـاب خـلـه لمشـطـون حــول وخــل مـولــع الـقـلـب يـرقــا خـلـه لمشـطـون ٍتـزايـد بــه طـعـون عـلـى عـشـيـر ٍ زود الـهـجـر فـرقــا لو لاحظتي البيتين الشطر الاول على ((ون)) والشطر الثاني على ((رقا)) بس الشطر الاول اذا ماحبيتي تكون على قافيه لك الخيار وغير ملزومه بس الشطر الثاني لابد من قافيه الشي الثاني اللي هو الوزن عشان تقولين قصيده لابد انك تغنينها عشان تلاحظين هل البيت فيه كسر او لا اما من ناحية قصيدتك اربع ابيات على قافيه واربع ابيات اخرى على قافيه ثانيه حاولي تقرين شعر وتلاحظين كيف تكوينة القصيده وانتي احساسك جميل بس يبيلك تركزين على القافيه والوزن وتركيبة القصيده * ملاحظه: الشعر دايم يرتقي عن اي مفردات خارجه عن حدود الذوق العام او بالمعنا الاصح خارج نطاق الحياء حتى لو اننا نعرفها ولكن ليس كل شيئ يقال((تبوسني على خدي واذوب بكل حنيه)) ارجو الانتباه لهذه النقطه اختى العزيزه انا متاكد انك راح تكتبين قصيد جميل ولكن حاولي فما ذكرته لك ارجو قبول نقدي حتى لو قسيت عليك بالنقد شوي ولكن انتي انسانه متفهمه وهذي وجهة نظر ولك الحق في رفضها ولك الحق بقبولها تقبلي مروري وانا اخوك ولك ارق تحيه |
إحـسـاس انـسـانـه
اختي الفاضلة اولا نرحب فيك في هذا المنتدى اللذي سوف تجدين فيه ضالتك التي تبحثين عنها وهنا الكثير من الاخوان الشعراء والمراقبين اللذين لهم مكانتهم المعروفه بين اهل الشعر الشعبي و كذلك الفصيح و الاخ الفاضل عساف المهار لعله اوضح لك المهم في بناء القصيدة الجيدة ومرة اخرى حياك الله في هذا الصرح الشامخ تحياتي |
اقتباس:
\ اشكرك على التعليق والنقد البناء وان شاءالله اخذها بعين الاعتبار وهذا ماابحث عنه النقد البناء ولو كان قاسي..لا ابحث عن المجامله ابدا.. اقتباس:
واتمنى لو سمعت نقد او تعليق على الابيات.. |
تعديل على البيت ..
اتمنى ان يتم التعديل بدلا من تبوسني على خدي..........
تضم محبتي بقلبك وتغمرني بحنيه ارجوكم عدلوا البيت منعا للاحراج.. واحتراما للنقد الشعراء.. واحتراما للشعر ذاته .. جل من لا يسهو.. |
اختي احساس انسانه
شكرا لك على روحك العاليه وقبول نقدي بس لا تكون هذه النهايه لان كل شي في هذه الدنيا لا ياتي بالسهوله لابد من بذل جهد حتى تنالين ماتريدين وانتي تملكين مفردات رائعه وعندي شعور انك سوف تكتبين لنا شعر جميل اتمنى منك المحاوله مره ومرتين وثلاث ولا تيأسين اما بالنسبه للبيت بامكانك الدخول على تعديل المشاركه وتعدلين البيت وانا ارحب بك في هذا المنتدى الرائع باسمي وباسم كل الاعضاء تقبلي تحياتي |
اختنا احساس انسانه
محاولتك جيده --الوزن جيدّ -- القافيه كمااوصاك اخوك عاسف المهار -- الالفاظ مهمه بحيث تراعي الذوق العام وحاولي لاتكرري اللفظ الواحد الاعندالضروره لاتستعجلين فى انهاء القصيده بحيث تراجعين الفاظها وتحاولين تستبدلين بعض الكلمات بمايرادفها بدايتك توحي بالنجاح . وفقك الله اخوك الغواص |
إحســاس إنسـآنه..!!
أول شي شُكراً لكِ على محاولتك والأخطأء لا تُفسد ما كتبتِ ولكن مثل ما قالوا أخواني لك لا أزيد عليهم بشي عمالقـــه وكفو ووفو وأهم شي فالشعر الوزن والقافيه والمفرداااات اللتي تنسج بشكل إحترافي بحيث يعطي جماليه للقصــيدهـ أنا مُتأكد بأن ما تعلمتِ اليوم سينفعك غداً مع محاوله أُخـــرى وأكثري من الإستماع للشعر بحيث تستفيدي من كُل ما تسمعين شُكراً للأخوان في إنتظار المحاولات الجديدهـ وأهلاً بكِ معنا // |
احساس انسانه صح السانكـ خيتي فيك ملامح شاعره لديك تصوير جميل لاحظت انك تمتلكين ايضأ اسلوب صناعة القصيده بس كما قال اخوي عاسف المهار االوزن والقافيه كادت ان تاتي ابياتك على الطرق المروبع المعروف بـ الطرق(الحميداني) انصحك بان تكتبين على هذا الطرق في بدايه الامر كيف نكتب الطرق المروبع مثال.... حبيبي سامحك ربـــي ,,, نسيت الشوق ياحبي وصبيـت الألم صبــي ,,, فتحت اوراق منسيه جرحت القلب يالغالي,,, من الجالي الى الجالي وسهر الليل بي طالي,,,دخيلك احسن النيه انصحك بالكثار من قرائت الشعر كوني بخير عزيزتي |
السلام عليكم ورحمة الله وبركاته
احساس انسانه مرحبابك في منتداك وبين اخوانك اما بالنسبه لقصيدتك فقد افادك بها الاخ عساف المهار بما يوجد عليها من نقد بناء وهادف ولدي تعقيب بسيط لم يخلق منا احد عالم وشاعرا يمتلك الموهبه الفذه ربما لديه الموهبه ولكنها تحتاج الى الصقل لكي تصبح فذه وهذا ينتج من الممارسه في الشعر وتقبل النقد الهادف بكل رحابة صدر فمن استطاع ان يجمع بينهما سوف ينجح عاجلاً ام اجلاً. قصيدتك كما تفضل اخي عاسف المهار تفتقد الوزن والقافيه ولايعني هذا بانه لايوجد بها بعض الاشطر موزونه كهذه: حبيبي سامحك ربي فتحت اوراق منسيه جرحت القلب يالغالي دخيلك احسن النيه هذه الاشطر موزونه لديك فأذا اردتي ان تكتبين لحني جميع ابيات القصيده على لحن هذه الاشطر بشرط ان تكون مقفاه بقافيه موحده لصدر البيت قافيه موحده ولعجزه قافيه اخرى وموحده من بداية القصيده حتى نهايتها. اتمنى لك التوفيق تحياتي لك . |
| الساعة الآن 07:52AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية