شبكة رهب الأدبية-ريما محمد السديري

حيالله الزينه اللي لبّسوها العباه
..................وش علم اهلها كذا فجأه يغطونها ,!؟

صغيرتن توّها تلعب بِسّن السفاه
.............عيّت تواسا عبايتها على امتونها

لاعدّلت بشتها لازم تميل الغطاه
...........والمشكل ان طاحت الشيله يطقونها

قبل امس في سوقنا تلعب خطوط وحصاه
...........واليوم عن بيتنا قاموا يردّونها

سبحان رب(ن) جمع فيها جميع الصفاه
...........البشره الصافيه مع صفّة سنونها

والخد صبح(ن) نثر نوره وشعشع سناه
...........وآبوك يالموت شفت الموت بعيونها

ماكِّنها إلاّ لفت من حمص ولاّ حماه
...........نجوى مع البرتقاله مايبارونها

وشلون هذي ليا كبرت وصارت فتاه
...........الله يستر عليها لايحسدونها

لو شافها شايب(ن) عود(ن) تعكّز عصاه
...........عوّد شبابه وخاض الموت من دونها

والخاتمه يوم قابلت امها قلت آآآآآآه
...........أثر امها في وصايفها وفي لونها

هلحين ابدعي لها في كل فرض وصلاه
...........يارب تستر على هالبنت وتصونها

للشاعرفواز رحيل الخمشي