شبكة رهب الأدبية-ريما محمد السديري

ترانيم الأسى تبكي نهايه حلمنا الوردي
.........................وتطبع ختمها الأغبر على أقدار مكتوبه

تفآرقنا رغم أنفّي،، وعودي من القهر مبري
........................حبيبي ..حلمي الضآيع.. أنا والله مغصوبه

تشوف الدمع في عيني حفر وشمه على خدي
.......................وحزن الكون يآخلي كسآني من القهر ثوبه

يصير أختآل ع العآلم! بحزني محدن بقدي!
.....................لآنه نآشر(ن) تصريح تحتي/ هذي مطلوبه

كبتني ،حّرق أعصآبي،دفني بالحيآ بدري
.....................وذوّب غصته الجرداء بنهري وصرت مشروبه

حبيبي قمْ تعال تشوف حب(ن) قد عمّر صدري
....................طغى عذب الشعور بخاطري يوم إني مرغوبه

سقاني من أريجه كأس عذب من الحلى يغري
....................وبنينا قصرنا العاجي نصفه طوبه ..بطوبه

ورسمته في الهوى بدر(ن) يخلي بدركم يسري
....................وداريته تحت جفني وحسي متجه صوبه

وهو مثلي بغرامه لي( يذوب من العشق ) أدري
....................ويتفنن شعور الحب ألين أعلن لنا غروبه

قضينا حبنا ساعه أمان يحضنه فجري
....................وعقبه كل سآعاتي تعيش الخوف مرعوبه

تغلف كوني بالحيره والعربي انقلب عبري
....................وقلبي ما يبي غيرك يصير بيوم محبوبه

حبيبي كلهم ضدي!! وزماني قد هتك ستري
....................ظروف(ن) قآسيه خلت قواي تصير مسلوبه

قدر أغبر يمآرس في سنيني عوجه الحصري
.....................وتفارقنا مثل مسجون ما يدري وش ذنوبه؟!

يعلل خاطره بّكره، ويلعن يومه الفقري
........................يفكر في سبب ظلمه؟! وش اللي سببّ عطوبه؟!

أنا ذاك السجين اللي غدى حزنه حزن فطري
...................غيآبك زلزل أركاني، عطوري تنوح مسكوبه

ونعم ..قررت نتفآرق.. وضآق القلب من صبري
.......................ونعم .. قررت أستسلم .. ولكن أعلن التوبه

تبي تعرف أتوب شلون؟ تفضل يآسبب طُهري
....................أتوب من الغرام لغير عينك ماني رعبوبه

حبيبي والسلامه دربك السآلك ولاتطري
...................أكيد ان القدر خيره عن الأبصار محجوبه

للشاعره ندى القحطاني