|
قل الكلافه !!
البارح اهوجس علـى حيـد مركـاي=الهـم وزن البيت والحـب قـافـه اروح لـابعد حزن واضحك وانا جاي=واقـول لضيوفـي ياقـل الكـلافـه مافيه مخلـوقٍ درى ويـش بلـواي=ولافيه جرحٍ خافقي مـا استضافـه ! جرح الصديق اللي حداني على اقصاي=نبع الوفا مـن بعـده أعلـن جفافـه وجرح الرفيق اللي فتح بـاب لعـداي =حتى الذي كنت آمنه صـرت اخافـه! وجرح القصيد اللي ماناسب لمبـداي=صار اغلبه كـذب ونفـاق وسخافـه وجرح الزمان اللي على غير مشهاي=كيف اقتنع في شـي نفسـي تعافـه! وجرح الحبيب اللي منه كل شكـواي=اقسـى ليالـي العمـر ليلـة زفافـه أهل الهوى تشكرك ياعـازف النـاي=انت اكتشفت احساس صعب اكتشافه! خلي عليـه يهـون بعـدي وفرقـاي=معقوله ان الحـب وهـم وخرافـه ؟ ماكنه اللي صال فا ادنـاي واقصـاي=بيتـه عيونـي والمشاعـر لحافـه! واليـوم زعلنّـي ولا دور ارضـاي=وتبـع المقفّـي فالمحبـه ضعـافـه احفيت رجلي لين تاهت بـي خطـاي=حسبي عليك الله يا جسـر الرصافـه ياكبـر شرهاتـي ويابعـد مـغـزاي=لو حظي اعوج من رقبـة الزرافـه! ياوقـت لاتعمـي عيونـي بيمـنـاي=والمتّـهـم مابـاقـي الا اعتـرافـه ويا بايعين الطيـب للطيـب شـراي=ولانـي ملحـق ماشريتـه حسـافـه الطيـب كنـزٍ مغتنـي بـه فدنيـاي=ولانـي بشاكـي جـوع ولا مخافـه احيان تلقى الفقر مـع فالـح الـراي=واحيان تلقى المال مع شخص تافه |
الغالي
الشاعر غلاب بن عايض اسعدك الله بجميع اوقاتك بكل خير سرني ان اكون اول المصافحين لهذه القصيده الجميله الرائعه بسبكها ومعناها وصح لسانك وعلا شانك مليون ولا يكفون وتقبل تحياتي |
غلاب عايض الله عليك ياغلاب نص قوافل من الجراح .. ودروب من العتب .. ومتاهات من الضيقه ..وقمم من الشموخ ..واضواء من الحكم .. وانهار من الحيره ..... وشلال من الصدق .. وعذوبة من الشعر .وابهار من السحر . نص مبهر ..موجع .. مبهج .. ممتع.. مزيج ..من اللوعه ..والروعه غلاب كنت هنا ..واستمتعت ..تحياتي ..ودمت بخير |
ياسلام عليك صح لسانك
|
|
وجرح الرفيق اللي فتح باب لعـداي
حتى الذي كنت آمنه صـرت اخافـه صدقت والله يالشاعر اعجبني شعرك صح لسانك |
الشاعر / غلاب بن عايض
صح كلك ولا هنت عصماء استحقت الوقوف بكل شموخ نسأل الله ان يزيل همنا وهمك وهم كل مسلم وان يهيء لنا من امرنا رشدى سعدت بوقوفي على اعتاب دارك وشنفت اسماعي ومتعت ناظري بهذا الجمال دمت بخير في حفظ الله |
| الساعة الآن 06:36AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية