شبكة رهب الأدبية-ريما محمد السديري

كل ما ذعذع علي صلف الهوى حدريـه
يكفخ فوادي بصدري قبـل يكفـخ ثوبـي

خص لاجـا بـاردٍ ومذعـذعٍ عصريـه
يجمع اللي به من الذكرى وياتي صوبـي

قبل يلعبي وانا قـد ريـت فـي ماريـه
ضايقٍ من صبح والهاجوس دوبه دوبـي

والله ان كنه يـداوي الجـرح بالشبريـه
والجوارح من هواها الصلف ماصدوا بـي

تجمع اوراق السنيـن وتظهـر السريـه
وتترس عيوني حسايف عقب ترس جيوبي

لاذكرت اللـي رحـل وعيونـه الدريـه
كـل مالديـت فيهـا تهـت لا لـدوبـي

تمطر عيوني وخفاقـي سـرى ساريـه
ينعصر وانا دموعـي للوفـى عذروبـي

صمت عن وصل المحبـه لانهـا عذريـه
والردى ماهو بمـن طبعـه ولا بسلوبـي

اذكـر انـه قالـي مـره وش الحريـه ..؟ !
قلت : عكس اللي لقيتـه منـك يامحبوبـي

اهتوي طاري هله مـن حبـي لـ طاريـه
والدروب اللي تجنبهـم مهـي بدروبـي

متعب رجلي ولو هـي صوبهـم عبريـه
وابني امالي علـى الترحيـب لاهلـّوا بـي

اثـرهـم ناويـنـي بالنـيـه الشـريـه !
واثرهم داريـن وانـا اقـول ماشكوا بـي !!

واثرني ضايع واصدق قصـة الحوريـه
وش ينجيهم مـن اثامـي الـى قفـّوا بـي ..؟

جزت مادام الهوى يبغي عصـا سحريـه
وتبت مادام القدر عيـا علـى مطلوبـي ..!!

قد همومي وين الاقي الصيد في البريـه ..
وقومة في وجه ضيفي واعرف ماجوبـي

اكبر اهدافـي تـزول الدولـه العبريـه
واكبر امالـي يغفـرالله جميـع ذنوبـي ..

غيـر هبـي ويـن ماتبغيـن يالحدريـه
واتركي قلبي لحاله والعبـي فـي ثوبـي .. !

مما راق لي لمحمد بن فطيس~