|
مـلـت عـيــونـي00
ملّت عيـــوني رســــايلك القـديمــــه والهـــــدايا --------------------------- ما بقى لي شي عقبك أحفظــه .. واحــرص عليه ليت والـله مـا تركتيهــا .. وصـــارت لي بقــــايا --------------------------- ذكـــرتني في زمــــان ٍ .. كنتي احـلـــــى شي فيه كـل ما طـاحت عليهــا العيـن نــاظرت الــــزوايا --------------------------- وآتخيـّل جلســــتك فيهــــا وانــــــادي هيه .. هيه قمت انــاظر فالمــلامح .. وآتعـرّف هالحــــلايا --------------------------- ومـــرة ٍآقـــــول لااا .. ومـــــــــرة ٍآقـــــــول إيه وآتنهّـد لين ضــاقت بالنفـس كـل الحنــــــــــــايا --------------------------- وارضـى بالـواقــــع ولـو اني حقيـقـــــه مـــا أبيه ما هقيت ان الغلا له قلب .. ولسان .. وشفــايا --------------------------- لين شفتك في عيـــون العشــــق وانتــي ترسميه ولا هقيت ان الجفا دمع .. ومشاوير .. ومطايا --------------------------- لين شفـت الـعـمــــر راحـل .. والمــــآسي تقـتفيه ولا عرفت الــذل لحظه لين قمت اصيح يا .. يا --------------------------- لحظة ٍ طاحت عيـــــــوني للثرى .. ثم قلت : ليه ؟ كان حبي لك ذنوب ٍ .. واحتياجي لك خطـايا --------------------------- لا ستبيـح الـذنب مـن أجلك .. ولا اقـول اغــفريه عانك الـله يا خفوق ٍعاش في حسن النوايا --------------------------- ولا درى ان الحـظ الاقشــــــــر واقف ٍ له يحتريه وش يحـد المبتلـى المسكيـن في حـر الكـوايا --------------------------- غيـر شي ٍ يفـلت حبــال التحمـّـــــــــل من يـــديه وش يقـول اللي غدى قلبه على شانك شظــايا --------------------------- مـا بقى له غير يركـض فالخـــــــلا مثـــل السفيه علميني .. ويش اسوّي بالرســايل والهــــدايا ؟!! ---------------------------هو به اغلى منك من شان احفظه .. واحرص عليه وسلامتكم00 |
الله الله الله
ابو سيف ابداااااااااااااع اغرقت هذه المعزوفه بالغراااااااااااام والشوق ذكرتني بيت للامير بدر بن عبدالمحسن 00 ان غدا للحب في قلبك شظيه = وش يقول اللي غدا قلبه شظايا ابو سيف انت شاعر رائع ومميز استمتعت وقرأت شعر حقيقي هنا تحياتي |
ابو سيف
قصيده رائعه وجزله بمعانيها صح لسانك |
صح السانك
قمة في الروعه الله لايهينك على الابداع |
الغالي
الشاعر ابو سيف اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الرائعه باسلوبها وتصويرها من شاعر مبدع وصح لسانك وعلا شانك مليون ولا يكفون وتقبل تحياتي |
الله الله عليك
شعرك لاعدمناه أرويتنا الله يحفظك ويصح كلّك تحياتي تقديري لك يا ابو سيف |
اقتباس:
اخي الشاعر / عبدالله الشمري00 لو علم الشعر بأنك قارئه , لأتى أفواجا ً00 الأورع حضورك ,, والتميز في تواجدك الراقي00 أسعدني مرورك هنا00 مع التحية00 |
اقتباس:
علي المبرد00 الروعة في تواجدك يا غالي , والجزالة منكم نستقيها00 صح بدنك00 |
اقتباس:
صح بدنك اخوي خلف00 حضورك في قمة الجمال يا خلف00 لا هنت على المرور00 |
اقتباس:
الغالي الشاعر / ابو محمد00 وانا كذلك سعدت بتواجدك هنا يا سفير , لا أحرمني الله هذا التواجد دائما ً00 وصح بدنك اخوي00 دمت بخير وعافيه00 |
| الساعة الآن 05:42PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية