كان المدى ضحك وقصيد وقناديل = وجهك شموع القافيه وانت الاوراق
مثل البياض اللي لبس ثوبه الليل = ثلثين موج وثلث همسك له أشراق
مثل المزون اللي تزف الهماليل = لاعانقت باطرافنا غيم الاشواق
بين المسافه والمدى والمرسيل = خطوه تجدد . والفضا دونها ضاق
قبل الاماني والغلا يسرج الخيل = توارثت بعيوننا نزف الاعماق
انت الغلا كله وانا الغيم والسيل = وبينك وبيني للمواعيد ميثاق
لو الفرح حلم وغرام ومواويل = لو الندم جرح وخيالات وافاق
تعال مثلي سابق الليل وسهيل = لاوقات مافيها للاعذار معلاق
وكان الوعد شوق وقصيد وقناديل = انت المعاني والقوافي والاوراق

مثل البياض اللي لبس ثوبه الليل = ثلثين موج وثلث همسك له أشراق
مثل المـزون اللي تـزف الهـماليل = لاعـانـقـت باطـرافـنـا غيم الاشواق




شاقي

صح لسانك

قصيدة جميلة

رحنا وجينا بين شعلة ومقباس = وحظوظ عمياء والاماني عناقيد
نأخذ ونعطي بالخواطر والانفاس = ونصبح ونمسي بالامل والمواعيد