تردم وغيمه بالسما ينقل السيل= يتلها الشرقي ويبرق ثقيله
غرّن وراها مظلمٍ كنه الليل= يوم اقبلت بيضٍ تناقز شليله
تشدي مصافق بالحذا سبق الخيل= لرخو مقاظبهن بطال القبيله
تصاعدة شعبانها بالاعاويل= جوعا ذيابه في ليالٍ طويله
من روس مزنٍ حولن الهماليل= مثل السدود فياضها عقب سيله
باول خضاره علّها الوسم بالحيل= والفرق ياضح كل يومٍ وليله
غرد بها البلبل يردد مواويل= وفيها ام سالم كل صوتٍ تشيله
يازين به شب الحطب والمعاميل= وتصليح مايقعد دماغ الدليله
بنٍ يعطر للمشاكيل بالهيل= في دلةٍ كنه خطات الطويله
هذي هواتي قلت فيها التماثيل= وكلن بهالدنيا يمجد خليله

الهاجس اقفى يتبع الجدي وسهيل=هايم بنشوة مفرداتً أصيله
قافك خذاني واطربتني التراتيل=وارويت عوج مرهفات نحيله
استغفرالله كن ذا القول تنزيل=شاعر ومتمكن ولا فيك حيله
من اول وانتم هل الهجن والخيل =وسيوفكم سقم النفوس العليله
كبار الصحوناللي تزاحم به الحيل=والطيب نوماسً لراعي الجميله
وليا ارتكيتو للعنى والغرابيل=حمولكم ما كل رجل قوي له
يوم العرب تنشد عن العدل والميل=ميزانكم عدل ولا فيه ميله
ويا تايه بالمرجله ضيع الكيل=علم الطواله للمراجل دليله
وتسلم يابوفارس..على محكم القيل=ويسلم لنا راسً كتوفك تشيله

اهلاً هلا ترفا عن الخزي والميل= تقاد بالشيمه ورشمة كحيله
مارددت شمر هلا بالمقابيل= وماجردة ذيك السيوف الصقيله
وعداد مادقو من البن والهيل=بنجور بغدادٍ تزايد عويله
وماقلطو بام الحلاق المهاطيل= ذيك الصحون معذبة من يشيله
وعداد ماركبو سروج المشاويل= قب ٍ تنازا بالرجال الشكيله
بابيات شعرٍ مثل دق المفاتيل= بذراع غرنوق البنات الطويله
حساسهن في ساعده له مواويل= اليا تتالن بالذراع الجميله
يابنت يابنت الرجال المشاكيل= خطلان الايدي مسهرين الدليله
ياللي ردودك مثمنات التماثيل= لك التحيه ياعنود المسيله