شبكة رهب الأدبية-ريما محمد السديري

- مساحات أدبية (http://www.rhb-reema.com/vb/forumdisplay.php?f=76)

- - قصيدة{ البطـالة } (http://www.rhb-reema.com/vb/showthread.php?t=23635)

قصيدة{ البطـالة }

من قصآئد وآلدي الحبيب {أبوعبدالله }

يالله عساها ياصديقي سَهاله
***** وطالبك بالتيسير ياسا تر الحال
فكري مناسبني ولاارضى بداله
***** ماقط شفته بالمــواقيف مـــلاّل
أعيش جِدِّه واستجيب لهزاله
***** وابكي معه واضحك على حسب الارسال
واليوم باغتني بذكر البَطاله
***** ولاحظت انا في نَشرته بعض الإشكال
وكنت اتصوّر (زوبَعه في بياله!)
***** مير الصّوَر يا فلان ماتعجب البال
صورة فتى ماشي ومرخي عقاله
***** ويمنّي النفس الشقيّه بالآ مــال
وصورة فتى ..كِرهوه عمّه وخاله
***** راحت صداقتهم لمن جمّع المال
وصورة فتى {يشحذ من امِّه رياله}
***** وهي تصدّه " روح" ماعندي ريال
واقفى معصِّـب مع دروب الضّلاله
***** بعد الدروب اضحت شبابيك واقفال
وصورة فتاه بحظ قطّع وصاله
***** تشابَهت في عينها ايــــام وليال
وهي عَطت للعلم واوفت مجاله
***** وعانت شديد البرد مع لاهب اللال
تبحث عن اختٍ شاركتها الزّماله
***** وتخجَل وهي تطلب بطاقات جوّال
الدّهر عاندهم وشدّد حباله
***** واخذتهم الامواج من جال في جال
واليوم يافكري تراني هَلاله
***** لوزِدت تزعجني باجازيك باهمـــال

وللجميع منّي فآئق الود والتقدير

http://upload.rhb-reema.com/index.ph...etfile&id=2357

الدّهر عاندهم وشدّد حباله
***** واخذتهم الامواج من جال في جال

بنت الحجاز صح السانك والسان شاعرها
والله يعطيك العافيه...

بنت الحجاز

صح لسان شاعرها ولاهنتي على الطرح

واهنيك على الاختيار وعلى المدرسه التي تتعلمين منها
جزالة الشعر

تحياتي

ابيات مليئه باالحكم الجمه
صح ألسان والدك وادام الله صحته وعافاه
وبيض الله وجهك على هذا النشر والأفتخار بقصائد والدك
عسى الله ان يبقيه لك وتنعمين بعزه

الدّهر عاندهم وشدّد حباله
***** واخذتهم الامواج من جال في جال

بنت الحجاز
صح لسان الوالد الله يعطيه طوله العمر
وصح إختيارك وذوووقك
تقبلي تحياتي

صح اختيارك
وصح السان شاعرها

مع التحيه

بنت الحجاز

نبي نرسل للوالد دعوه ونبيك واسطتنا
ماشالله عليه شاعر جزل ومتمكن
الله يطولنا بعمره

صح السانه والله
وسلمتي ع الاختيار
تحياتي,,

نص ٌ جميل ذو معنى راقٍ ، تجلت فيه العاطفة ...

بنت الحجاز !
هيهِ هيهِ .. فانتقاءاتكِ بديعة .
وصح لسان والدكِ ..

لكِ فائق الاحترام والتقدير ... .

خلف العاطفي * الغناوي * النداوي * النجلا * ابن العرب * خيـّالها * خواطر متناثرة

أسعدني وشرّفني مروركم الرآقي
تقديري لمروركم أيها المبدعون