يافهيد لاتنشد عن الحال يافهيد = ناظر غيابي / كل ماله يزودي
كني أنا في حيد ,, والناس في حيد = بعدت حتى صرت بــ ( أقصى ) الحدودي
لو كنت لاراضي .. ولا محصل ٍ فيد = إلآ .. مشاريه ٍ بـ ( صدري ) قعودي
من جد ( ياكم لي ) .. وأنا أعيد وأزيد = علمت لين اليوم باحت سدودي
اللي ذبحني بالوله أتلع الجيد = اللي من عيونه إلين الخدودي
أغيب كلي وأخذ شوي وأعيد = وأرجع أغيب شوي وأصحى وأعودي
وإليا قرب مني وجاله تناهيد = ولديت عيني يم غض النهودي
أغيب أنا وياه ونرروح تأبيد = والعقل يفقدني ويفقد وجودي
هذي 3 سنين بالضبط تأكيد = على النقى حبه يذود ويجودي
هذي 3 سنين بالضبط تحديد = محبة ٍ بـ ( أسمي ) ورمزي وكودي
مصيونه ٍ ماشافها زيد وعبيد = بنت الشيوخ معربين الجدودي
واليوم من دون العلاقه مقاريد = مابين عذال وحقود وحسودي
ولن كان تبغى الصدق ياابن الاجاويد = أنا أختلف جوي / وشكلي / ومودي
يافهيد فيني جابت العيد يافهيد = اللي غلاها كل يوم ٍ يزودي

من يوم نادر سند العلم تسنيد=يمي فلالي عن جوابه صدودي
اختصني من دون كل الاواليد=وانا معه بابذل جميع الجهودي
ماحيدعن لازمك يالنمر ماحيد=وعقّب شنب من لاوفابالوعودي
وهجوس فكري حضّرت للمراديد=ومنّي حسب علمك تجيك الردودي
مال الشدايديالنمرغير صنديد=مثلك عليه الكايده ماتكودي
اصبر وتال الصبر قالوتحاميد=راح الكثير وبأذن ربي تعودي
تعودبعد انك تنول المقاصيد=يم السعوديه مرب السعودي
وشكيت لي من حب عليايابوزيد=والحب يانادر يفت الكبودي
حب الشرف ماينذكربه مناقيد=لكن اله ميثاق سلم وعهودي
كانه معك صادق ظبي الافاريد=لايشحنك راع الحسد والحقودي
ناسً على قولك يانادر مقاريد=لعلهم في مظلمات اللحودي
نبي نشرد حزب الاعوان تشريد=وتحل بامر الله جميع القيودي
لكن وين ديار منتوقت الجيد=ارسل عليه باقيات البنودي
ولاعاد ليه عقب علمك مقاعيد=حتى نفرح خاطرك بالعنودي
الي عليها غاديلك تناهيد=نجيبها بالجاه والاالنقودي
ان قاله الله رغم كل الحواسيد=وتعيش مع جو السعاده ركودي
هذا جواب فهيد واقبل من فهيد=ازكا تحيه من عبير الورودي
واسلم عدد ماغرد الطير تغريد=وماشيفت بروقً وسمعت رعودي

صح السانك يابومقعد

ولا عنز عليك الاوانت كفوووو

وعزالله انك طيبت خاطره وبرت كبده

صح السانك ولسان نادر

من اجمل ماسمعت

دمت بحفظ الرحمن

المشاركة الأصلية كتبت بواسطة عقاب (المشاركة 267018) فهيد صح لسانك ولسان نادر مساجله رائعه استمتعت بقرائتها تحياتي .

المشاركة الأصلية كتبت بواسطة سفير المعاني (المشاركة 267061) الغالي الشاعر فهيد مقعد الرويس الله انه يسعدك ويوفقك بجميع اوقاتك ولقد اسعدني ان اكون ضمن المصافحين لهذه القصيدتين للمسند ورد المسند عليه وكلكم كفو وبيض الله وجيهكم ولاهنتوا وتقبل تحياتي

المشاركة الأصلية كتبت بواسطة خيّالـهآ (المشاركة 267115) فهيد الرويس وفيت وكفيت صح السانك تحياتي,,

المشاركة الأصلية كتبت بواسطة خلف العاطفي (المشاركة 267117) صح السانك يابومقعد ولا عنز عليك الاوانت كفوووو وعزالله انك طيبت خاطره وبرت كبده صح السانك ولسان نادر من اجمل ماسمعت دمت بحفظ الرحمن