|
اليوم جاني زاير
اليوم بعد المغرب جاني ضيف بس للاسف طلع موضف ماهو ضيف ولاكان عزمتكم المهم الرجال متبهذل من احد الجيران فاختصرت السالفه لكم هنا 7 7 7 اليوم جاني زاير ....شوي بيهل العباير يقول انا من لجنةْ ...عد العرب والعماير ياخوك قلى قلى ....بالناس شاللي صاير ادق باب ابي اسال ....ويصك ليني حاير بعض العرب معصب ....عالكبد كني ساير ابساله عن عمره ....جاوب ودمه فاير اقوله شسم امك ....جاني عقاله طاير خليت له اوراقي ....وهجّيت باقي ثاير فقلتله ياخيي ....ماعنّكم ستاير انشد وخذ تعدادي ....اخلص تراني ساير وللجنه السكاني ....حل ٍ يهدي الثاير عندي ابيك تقوله ....لولحقهم خساير موقع وحنا بندخل ....ونعبي لهم دواير حليتها وارتاحو ....وماني لكلٍ شاير وسلامتكم:r: |
خلف العاطفي
صح لسانك ولا هان منطوقك وسلم على أتحافنا دمت ودام نزفك وعزفك تقديري |
خلف العاطفي
لاهنت وصح السانك والله انه جايني عقب العشاء ويسئل عني وعن الحاره محد عطاه وجه والناس مدري وشفيها كنهم حاقدين عليه تحياتي |
اقتباس:
فرج يسعدني ويشرفني مروورك ولاعليك زووود |
الغناوي والله مرمطه ولمن؟؟؟ اغلب الشباب معلمين وموظفين مراقبين طيب ياخي كل مواطن اسمه ورقم سجله بالاحوال المدنيه والمقيم النظامي بالجوازات ياخي شكل نظام وآليه ربط للتعداد بالاحوال والجوزات والمقيم غير الشرعي ماراح يجيك يقول انا هنا اجل يسالني كم جهاز كمبيوتر وكم واحد يستخدم الكمبيوتر حتى هو يسال وهو خجلان.... الله يعينهم بس شاكر لك مرووورك العطر وخلنا بقصيدتنا وتعليقاتنا لايوهقنا شبيب:d |
خلف العاطفي
انا جاني ضيفك وكنت نايم... طلعت له يوم عرفت انه هو قلت لحظه بس ناوي اروح البس واجيه قالي لا لا تعال ثواني بس ماني ماخذ من وقتك كثير المهم عطيته معلوماته ...اخوي ساكن جنبي... قال هو: جارك الي جنبك وش اسمه ؟ حسيت انه يبي يطول وانا ماني رايق له قلت له ما اعرفه ...المهم تقابلت انا وخوي قال الموضف جاني وبعد ماعطيته المعلومات سألني يقول الي جنبك اخوك.... صح السانك تحياتي,, |
خيـــــــــــالــــــهــــــــــــا ارحب تراحيب المطر وشكله ماخذ المعلومات قبل لايجيك او انه ناشب واخوك جاب العيد سلم لي عليه تلقاه الموضف حط عند اسمك ملاحظه:d تسلم ويسلم لي مروورك دمت بحفظ الرحمــــــن :r::r: |
| الساعة الآن 02:59PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية