شبكة رهب الأدبية-ريما محمد السديري

في فن علم النفس وانماط الحياة
مصيبتك طلع وراها فايدة

لاينتثر فكرك على كذا اتجاه
الخصخصة فن العقول الرايدة

وإن ساد من حولك شعورالإشتباه
خذ لشعورك منطقة محايدة

الثقة سقف العقل والناقص ذكاه
من حسسك بأن فيه حاجة زايدة

والإبداع ؟ ماهو لعب شد الإنتباه
على حساب إلغاء فكرة سايدة

والضيق ضيق الأفق وكظام الشفاة
وفهم الحياة على إنها مزايدة

أفضل وسيلة للسعادة والنجاة
سهلة على الراغب ولاهي كايدة

توحد الله صدق وتقيم الصلاة
وجعل الفواحش عن حدودك نايدة

وتكف يدك وتحمد الله على الغناة
وتخشر هنودك معك في المايدة

ولاتخاوي لاشيوخ ولا رعاة
خاو أصدقاء تفكيرك وفرايده

والشيخ من تواضعه يسبق عطاه
يتعودون الناس من عوايده

والحب ذروة كل شي ومنتهاه
ومحلا من وضوحه سوى مكايده

يبكي الرجال ويبحث في خفاه
ويعلمه شرح الحظوظ البايدة

واللي يحب أحد(ن) ماهوفي مستواه
يبطي وعينه بالمدامع جايدة

ياوجد حال الشاعر وياأمه وأباه
وجود من هاوش لأخوه وصايده

اللي اتمنى أعيش وأتوفى معاه
حتى في عيده ماقدرت أعايده

الحزن طاقة للدعاة وللطغاة
وأنا طلعت من الجروح بفايدة

إن لم تزد شيئا على هذه الحياة
فتأكد إنت فيها حــاجة زايــدة

‏ ‏ قصيده الشاعر/ سعد علوش

ودامت نفوسكم بخير
ليلي وايت