كل ماجتني من الشرقي نسانيس النسيم الدافـي=ذكرتني رقتك لامن تكلمتي و دفـئ شعـورك
وكل ماطل القمر من يمة المشرق وجوي صافـي=فز قلبي احسب ان النور هـذا ياجميلـه نـورك
وكل مامريت ذاك الحي بعدك شفت نوره طافـي=شد منه النور و اعلن مايعاود غير عند حضـورك
وكل شيٍ في عيوني ياجميله من وصوفـك وافـي=ما به احدٍ غيرك انتي يملك اوصافك ويلعب دورك
الخدود و وردي الشفه و عودك و الجديل الضافي=و لبةٍ فيها علاج الطعنه اللي من نواعس حـورك
كنت اقول الرمش لو يطعن بقلبي طعنته خفافـي=لين مكنتي صوابك بالفواد و ذقت لوعة جـورك
و الله ان الحب من منظور فهمي فيه سحرٍ خافـي=باقي انتي علميني وش يكون الحب من منظـورك
حافظٍ عهد المحبه رغم بعدك و الزمـان الجافـي=استقريتي بقلبٍ صار بيتـك و الحنايـا سـورك
مغرمٍ بك لو يقولـون العبـاد مهايـمٍ ياكافـي=بكل لحظه طيفك العابر يجيني و الخيـال يـزورك
وكل ماذعذع نسيم وطل بدر و كان جوي صافي=ذكروني رقتك و شعورك الدافي وطلـة نـورك

المشاركة الأصلية كتبت بواسطة محمد السريّع (المشاركة 231030) عودةٍ بعد طول غياب و متواضعة اتمنى ان ترتقي الى مستوى ذوق الجميع كل ماجتني من الشرقي نسانيس النسيم الدافـي=ذكرتني رقتك لامن تكلمتي و دفـئ شعـورك وكل ماطل القمر من يمة المشرق وجوي صافـي=فز قلبي احسب ان النور هـذا ياجميلـه نـورك وكل مامريت ذاك الحي بعدك شفت نوره طافـي=شد منه النور و اعلن مايعاود غير عند حضـورك وكل شيٍ في عيوني ياجميله من وصوفـك وافـي=ما به احدٍ غيرك انتي يملك اوصافك ويلعب دورك الخدود و وردي الشفه و عودك و الجديل الضافي=و لبةٍ فيها علاج الطعنه اللي من نواعس حـورك كنت اقول الرمش لو يطعن بقلبي طعنته خفافـي=لين مكنتي صوابك بالفواد و ذقت لوعة جـورك و الله ان الحب من منظور فهمي فيه سحرٍ خافـي=باقي انتي علميني وش يكون الحب من منظـورك حافظٍ عهد المحبه رغم بعدك و الزمـان الجافـي=استقريتي بقلبٍ صار بيتـك و الحنايـا سـورك مغرمٍ بك لو يقولـون العبـاد مهايـمٍ ياكافـي=بكل لحظه طيفك العابر يجيني و الخيـال يـزورك وكل ماذعذع نسيم وطل بدر و كان جوي صافي=ذكروني رقتك و شعورك الدافي وطلـة نـورك