الفكر مثل البحر مايروي الظامي=وابسط مثل في حجم عصما نجاريها
هذي القصيده عليها كن الأقلامي= تجمعت ورتعت ببطون واديها
الله يعين الكلام بقل الألهامي=في وقت مايلتقا قلوبن نصافيها
كل البشر لوتكون اليوم قدامي=ما اخترت عشره على مره وحاليها
زل السهم والسبب في رمية الرامي=كنت احسب الوقت بسمه من اشافيها
اثر الهوى صيرمين نادر قطامي=يعطب خفوقي ويكفخ في اعاليها
هذا هو العشق يكوي جرحه الدامي=يعزف على اوتار جرحي من اغانيها
كنت احسب اني حكيمن شامخن سامي=واهتزت اغصان جذعي بيد ساقيها
الله واكبر محد في نجد والشامي=قد حب مثلي وامسا في اماسيها
ماكنت افكر عليها يوم اعتامي=لانه معي تملي عيوني وترويها
ماكنت احسب هموم الوقت بزحامي=تولجت شمعتي منهو يطفيها
حتى غدا بيرقه يسخر من اعلامي=ارقى الحبل تنحدر لبطون اراضيها
هذا جزا الي يصارع موجه الطامي=سباح لكن غرق بأول شواطيها
ابوك يالعشق لوخبيت بكمامي=دموعي عطيتن دروسك في تواليها
يقطعك حبن يغربل ناسن كرامي=اعطوا غلاهم وخسرو في تواليها
اوصيكم الحب لوهو يرفع الهامي=مع مر الايام بدنا ذنب يرديها