ياشينها لقفـت مثـل لمـح الابصـار=وتقطعـت كـل السبـل فـي رحيلـه
فجئه كـذا راحـت بلاسابـق انـذار=بنـت الدلـع وام الرمـوش الظليلـه
باول شهر حطيت لـه كـل الاعـذار=وثاني شهر ضاقت علـي كـل حيلـه
وثالث شهر كن الحشى يلتهـب نـار=ايقنـت بفـراق الخلـيـل وخليـلـه
ورظخـت للواقـع ولوكلـه امـرار=واسترسلـت عبـرات عينـي هميلـه
وامنت بان اللي حصـل كلـه اقـدار=وصـارت عيونـي كـل برق"تخيلـه
احيان اقول الموت قصـاف الاعمـار=لـولاه ماتبـعـد كــذا مستحيـلـه
واحيـان تلعبـي هواجيـس وافكـار=واتخيلـه تحكـي معـي كـل ليـلـه
وتجتاحني موجة شعر مثل الاعصـار=والهاجـس المجنـون تخلـي سبيلـه
وانزف شعر يجرح تقاسيـم الاوتـار=من خافق(ن)هـد الزمـن كـل حيلـه
والحزن يرجف بالحنايـا تقـل طـار=وتطري علي اشعـار قيـس وعويلـه
ويطري علي وقتٍ مضى وارجع احتار=وتاخذني الذكرى غصب وانحنـي لـه
كنا نغـوص وبالهـوا نبحـر ابحـار=فـي عالـم العشـاق قلبـي دليـلـه
تحمل مشاعر طفـل وتحـب وتغـار=وتشكـي مـن اللهفـه وارد اشتكيلـه
حبه طفولي واضحـن مثـل الانـوار=وكــل الـبـراءه قلبـهـا ينتميـلـه
كانت سوالفها مثـل طـش الامطـار=وصدري لها مثـل الفيـاض المحيلـه
وبلسانهـا لـو بيتهوفـن موسيـقـار=يسـواه شطـر(ن)ذاب مـن سلسبيلـه
تحفظ ثلاث اربـاع شعـري وتختـار=ابيـات تلقيهـا والاخــرى تشيـلـه
ودايـم تردد(مابقـى شـي مـاصـار=و(خلوني اسهر)مع(بـروق الرعيلـه)
والوقـت دار وعـادت الوقـت دوار=واستوطنـت قلبـي هموم(ن)ثقيـلـه
تمركزت بالقلب واظرارهـا اظـرار=يانعمـة النسيـان روحــي عليـلـه
انهكـنـي التفكيروالـطـيـف لازار=احـس حتـى احـلام ليلـي بخيلـه
رسايـل وعطرورسومـات واشعـار=وغـلاه هـاذا كـل شــي بقيـلـه
وبعض الاغاني له حكايـات واسـرار=تعيـدنـي للذكـريـات الجمـيـلـه
وبعـض الاماكـن لاتذكرتـه انهـار=لكـن عـزاي انـي تحديـت جيـلـه
اوفيـت لـه مانـي مخـادع وغـدار=وصنت الغلا بعيون ضـاف الجديلـه
واليوم راحت واصبحت شبـه تذكـار=وقلبـي تعزيـه السنـيـن الطويـلـه
وامنتها مجـري الفلـك يـوم ينـدار=رب ملائـكـة السـمـاء تنحنيـلـه

المشاركة الأصلية كتبت بواسطة الجوهرة (المشاركة 227631) صح لسانك يا قبلان صح بوحك يا الشاعر لا هنت يا اخوي بوح جميل معبر تحياتي وتقديري