غبت عنا بغرب ٍ صار كله غروب = أكتست كل ديره عقب فرقاك ظله
وعاد سلطان والأفراح صارت تجوب = كل شارع وبيت وكل قصر ٍ وفله
جيت يا مرحباً بك يا حبيب القلوب = جيت وقلوبنا بافراحها مستهله
كم قلوبٍ تحبك يم قصرك تصوب = يم راع الجميل وسيد الطيب كله
المها والحباري والغزال اللعوب = لو تكلم تقول أرواحنا فدوة ٍ له
والمشاعربصدق الحب لاجلك تذوب = ما بتحصي وفا من طيب فعلك تشله
أكتست بالمحبه لك روابي الجنوب = والشمال أنتخى وأهداك زهره وفله
وشرقنا ردد افراحه بلحن ٍ طروب = وغربنا استقبلك بالحب دقه وجله
ونجد الأمجاد لاعبها نسيم الهبوب = تحرق العود وتبهِّر من الكيف دله
من تعود على درب الوفاء وما يتوب =يبذل الروح لو كان القدم ما يقله
ثابته بك خطاك ولا تضيع الدروب = في طريق المعالي كل درب ٍ تدله
الوفا صار لك يا سيد الجود ثوب = والعدِّل تاج رأسك تكتسي منه حله
سيدي حبكم حق وعلينا وجوب = حب فيه الولاء ونردده ما نمله
سيفنا سيفنا بالمكربات الصعوب =في وجيه العدا من دون خوف ٍ نسله
ودرعنا اللي يقينا من وطيس الحروب =ثابت الراي ما يظنيك عقده وحله
أنت ريف الضعيف اللي يسمه لغوب =والوفا والعطا والجود صدرك محله
التهاني لفت من كل حدبٍ وصوب =عانقت قلبك الطيب عناق الأخله
يا عسى خالقك يكفيك كل الكروب = واطلبه سيدي يشفيك من كل عله
دولتك مستواها فوق كل الشعوب = بالشريعه وبأنوار الهدى مستقله