ليت التعاسه لحظة فراق وتروح = ولا ظروف ن تنفرج عقب ظيقه
فيني التعاسه غربة ن تسكن الروح = راحت حياتي غلقة مستظيقة
العين تدمع والحشى دوم مجروح = شي"ن بنفسي عزتي ما تطيقه
ابكي مع اللي يقضي الوقت بمزوح = واضحك بقلب ن مشتعل به حريقه
عيني حزينه سرها دوم مفضوح = تحكي علومي دمعة ن مستعيقه
ليت الشقى من لوح الاقدار ممسوح = يوم النصيب بغب الارحام ضيقه
وسام الصبر صرت استحقه وممنوح = من واللي الارواح رب الخليقه
ما لي من الدنيا مع الناس مصلوح = غاية فؤادي سجة ن لو دقيقه
ماني من اللي يشكي الحال بالبوح = اشكي همومي بالقلم ما اعيقه
شكواي للي يعلم الجهر والنوح = ويعلم بخافي علتي والحقيقة
ليشفتهم يا سعود في عينهم شوح = زادت طعوني حزنهم ما اطيقه
يا شين كسرت نفسهم تسلب الروح = ياللي تزيد بظلمهم تستذيقه
بين الخلايق طيب الفال ممدوح = وخافي علومه في حياتي عتيقه