/























/















/



















يا صاحبي جض القطا من جضيضي = ومن بد خلق الله عشقتك عشاقه
مال الزعل لمي دليل يهيضي = ولابي لغيرك يا حبيبي لباقه
يا نور عيني مال حبك نقيضي =وقلبي لغيرك ما يعرف الصداقه
إلى ذكرتك دمع عيني يفيضي = وامسح غزير الدمع عقب اندفاقه
يا كثر عبراتي ويا كبر غيظي = عليك ياللي ما تحمل فراقه
إلى حصل لاماك فانا الحظيظي = وقلبي على فرقاك غاد حراقه
خل التغلي عنك ما انت بغيضي = انته مرام القلب وانت اشتياقه
اذكر هواك بصحوتي وتغميضي = وتطري على اشباه وجه دقاقه
رجلي على غيرك تقيف وتريضي = ويمك تسير ومشيها بانطلاقه
قلبي عليك من الموده مريضي = وما ذاق قيس من الغرابيل ذاقه