نسمــة صبــاح الـعــيد $
 

نسمة صباح العيد داعب غترتي نسناسها

ــــــــــــــــــــــــــ على الهواء الطلق ناقصني جناحين وأطير

برفرف بريشي وعيني ماتشوف نعاسها

ــــــــــــــــــــــــــ على الخبر والطايف وحايل وجيزان وعسير

وامرها في نجد مسكنها ومسقط راسها

ــــــــــــــــــــــــــ لحظة بعايدها سكوووت من الصغير اليا الكبير

لا يابعد كل من وطت رجله بالأرض وداسها

ــــــــــــــــــــــــــ كل عام وأنتِ بخير يالنجلاء وانا مثلك بخير

بالله يامن ,,,تزهي بلولوها ,, وآلماسها

ــــــــــــــــــــــــــ لا تتركيني ,, والزمن قاسي وانا وضعي خطير

تلعبي هبوب الرياح ارباعها واخماسها

ــــــــــــــــــــــــــ والوقت مايرحم على الدنيا غني ولا فقير

ياللي خفوقي حبها وخالط هواه انفاسها

ــــــــــــــــــــــــــ لا تنظر لي نظرة الخوان معدوم الضمير

وانا من ظهور الرجال اللي قوي باسها

ــــــــــــــــــــــــــ قوم تحشمها العرب من حشمة السيف الشطير

من ساعه الفرقا على اذني ,, تدق اجراسها

ــــــــــــــــــــــــــ لليوم هذا .,, لا بعد .. والله .. لليوم الآخير

وأنا اتجرع كل يوم من الحسايف كاسها

ــــــــــــــــــــــــــ ماكن لي في الوقت خل ولا خوي ولا عشير

لو البشر معروفها باصنافها ,, واجناسها

ــــــــــــــــــــــــــ كان السعاده كلها بتصير في بشت الأمير

ولا كان صرتي المويه اللي كذبت غطاسها

ــــــــــــــــــــــــــ ولا صارت الدنيا على عيني عبوس ٍ قمطرير

أنا أحسد الأرض وشلون أتحمل ناسها

ــــــــــــــــــــــــــ وانا متوني للحمول ..... تشيل ماشال البعير


فالح الشلوي

وانا من ظهور الرجال اللي قوي باسها

قوم تحشمها العرب من حشمة السيف الشطير

........................


أنا أحسد الأرض وشلون أتحمل ناسها

وانا متوني للحمول ..... تشيل ماشال البعير


الله الله الله

روووووووووووووووووووعه

صح لسانك فالح الشلوي

وكل الشكر لك على انك خصيت منتدى وعدك متى بهالقصيده الرائعه

وكل عام وانت بخير

وجعل الله ايامك كلها اعياد ..

رد: نسمــة صبــاح الـعــيد $
 

نسمه شعريه

غايه في العذوبه

اهنيك بصدق