غلى الموروث خلاني على بعض الغنامجبور=على بعض الدعاوي مايفيد الصبر والكتمان
حقيقه والحقيقه ماتضيق للرجال اصدور=والى ضاق الردي منها يطق براسه الجدران
نعرف ان الشعرمن كانت العالم وهوله دور=هواعلام الخبروالمنبرالثابت مع العربان
الى غنا به الشاعريجيب العلم مابه زور=على حسب الحدث ينقل تفاصيله بلا زهفان
حفظ واقع حضارتن عليها كم داراعصور=به التاريخ يستشهد ومنه يثبت البرهان
يقوله شاعرٍ ماغط باشعاره اوجيه النور=ولايخشى سوى وجه الاله مكون الا كوان
اشوف الشعرفي بعض البرامج ملحقينه جور=وهذا اللي هدف رميي عليه اوجه النيشان
مااعم الكل بالمعنى ولومي والهدف محصور=اخص اللي تولى منبره واعطى به الخليان
حصيل الشعر من برنامجه حادور في حادور=عن الموروث عنوانه ونصه خارج العنوان
ومشروهي على الآمرقبل لاشره على المامور=مهوب الحق جفنه عن مواريث العرب نعسان
وحق الناجح المبدع علي اقول له مشكور=يواصل في جهوده لايطيح الساس والبنيان
جهوده بينه ماتختفي ومجمل وماجور=امانه والامانه كايده حمل بها الانسان
من اليحيا على المخلص تحيه عطرها بزهور=تنصاه بمحله في نواحي رقعة الا وطان

[table1="width:95%;"]

المشاركة الأصلية كتبت بواسطة سفير المعاني (المشاركة 214427) الغالي الشاعر ابراهيم اليحيا الله انه يسعدك ويوفق بجميع اوقاتك اسعدني حضوري لمتصفحك والحامل لهذه القصيده والغنيه بالمعاني الشعريه النادره وصح لسانك وعلا شانك مليون ولا يكفون وتقبل تحياتي

المشاركة الأصلية كتبت بواسطة خيّالـها (المشاركة 214429) ابراهيم اليحيا هذا موقف وثناء الشاعر من دون موروثه وعزالله وفيت وكفيت صح بوحك ولاهنت تحياتي..