شبكة رهب الأدبية-ريما محمد السديري

الســلام عــليكم ورحــمة الله وبــركاتهـ..

مــوضــوع يحكي عن مهندس الكلمة..
رائــع الكلمات..
صاحب الكلمة العذبة..
بنغمة شعرية تدخل الروح بعذوبتها..

تحكي مشاعراً دافئة..
بلمسة من لمساتهـ..
ونغمة من إبداعاتهـ..

بـــــــدر بن عبــدالمــحسن..

قصائد رائــعة أحببت أن أجمع بعضاً منها هنا..

وأتمنى أن أوفّق في نقلها..

..
يقول البدر :
لا أنت حارس للنجوم .. ولا أنت غارس للقمر..
ولا أنت حابس للسموم .. ولا أنت حاسس بالمطر ..
شايلٍ هم التراب .. وشايلٍ هم السما..
وأنت يغويك السراب .. وأنت يقتلك الظما..
تحمل هموم وهموم..
وأنت فـي الآخر بشر ..
***
لا أنت فارس هالرمال .. ولا نوارس هالبحر..
أعظم حروبك خيال .. واقصر دروبك سفر..
شايلٍ هم الصديق .. وشايلٍ هم العدا..
ليه تمشي والطريق .. كل ما خلص .. بدا..
وليت به شيٍ يدوم..
وانت فـي الآخر بشر..
***
لا أنت عاشق هالزمان .. ولا مشانق هالزهر..
أنت تحتاج الأمان .. لو تعانق لك حجر..
شايلٍ هم الغياب .. وشايلٍ هم اللقا..
كافي ضيعت الشباب .. لا يضيع اللي بقى..
ما لأوهامك لزوم..
وأنت في الآخر بشر..

***
رائــعة أبياتهـ..
وجميــلة معانيها..

ياللي خذا شعره مـن الطيـر تغريـد
ومن مدلهم الغيـث صافيـه لا جـاد

ومن كل روضٍ عله السيـل ترديـد
ريح الزهر ومداعب الريـح الأفنـاد

ومن كل صبـحٍ بـدد الليـل تبديـد
دفا الشعـاع وفرحـة النـور لابـاد

جاني قصيدك مثل عقـدٍ علـى جيـد
الجـادل اللـي كلهـا زيـن وعنـاد

ما هي من اللي يدلهـون المواعيـد
حشا ولا هي في الهوي صيد من صاد

وتلفتت روحـي لحسنـا مـن الغيـد
و اشتب في قلبي من الشـوق وقـاد

ولمست قلبـي ليـن كلـه تجاعيـد
شاب الهوى يا ليت ما فـات ميعـاد

يا بو حمد ما عادلي في الهوى سيـد
وغيره فـلا والله مـا نقبـل اسيـاد

وين الذي وصله على العين تسهيـد
ولا ودي اقطع درب لاماك برقـاد

يابوحمـد ويـن وصلتنـا التناهيـد
ضاع العمر ما بين قرطـاس وامـداد

وانا احسب الشعر صعـب المواريـد
ماهـو غديـرٍ ينضحـه كـل قصـاد

يوم امتـلا هالجـو حشـو ومفاريـد
راع الجمل معذور لو كسـر إشـداد