|
اهدء لأخي / فرج الدهمشي(انت الفرج)
اخواني نرحب بأنضمام الشاعر/ فرج الدهمشي واقدم له الشكر بتلبية الدعوه للمشاركه بمنتدانا الشامخ واهدي له هذه القصيده المتواضعه عينك تشوف اطباع روحك مع الناس وكلٍ عـــلى أطباعه يشوف الخليقه كانك صدا صديت لوبيدك ألماس وكـــانك ذهب والــناس لمعة بريقه انت الفخر فيك افتخر يرفع الراس من ورث ابوك وطيب جد العريقه يزبن عليك الهم ماشاف الاتعاس ويزبن عليك الضيق ماشاف ضيقه ويزبن عليك الفقر ماشاف الافلاس وانت الـــطريقه بأنعدام الــــطريقه وانت الكرم يمناك يامعرب الساس وفيض المشاعر بالبحور العميقه وانت القصيد اللي نبض كل الاحساس وعز الصديق اليااعتزى في صديقه مابغا امدحك في بيت يبقى بكراس قلبك ذهب والناس لمعة بريقه كان الفرج بالأرض يمشي مع الناس انت الفرج من بعد رب الخليقه عويد كسار المضياني |
اقتباس:
السلام عليكم ورحمة الله وبركاته الله يبيض وجهك يا أبو كسار على هذه الرائعه تسلم يمينك وصح لسانك ولا هان منطوقك يخون التعبير أما الأبداع دائما دام نزف قلمك |
[table1="width:95%;"] | [/table1]حيا الله الشاعر فرج منور منتديات رهب وصح لسان شاعرنا الخلوق / عويد على هالقصيده الرائعه |
اخوي الشاعر/ فرج الدهمشي صح بدنك وتستاهل والمدح لو هو بحر مااوفاك اخوي عزالله اني مشتاق لجديدك ليتك تتحفنى لاهنت |
اخوي سالم محسن الفهمي ابقاك الله على العز والطاعه وصح بدنك وانشاء الله نكون عند حسن الظن كل تقدير لشخصك وكل احترام لك مني |
[table1="width:95%;"] | [/table1]عويد الكسار صح بوحك ولاهنت ويستاهل الدهمشي والله يحييه بين اخوانه..ويبارك فيك الي خليتنا نرى مثل هذه النجوم في سماء هذا المنتدى تحياتي لك,, |
اهلا ومرحبا بالاخ الشاعر فرج الدهمشي
اسم لامع با الساحه حتى اصبح يعرفه من لا يعرفه امل ان يطيب لك المقام هنا وتتحفنا بعذوبة ما لديك واهلا ومرحبا والشكر موصولا الى الاخ المبدع عويد كسار اللذي دعاك الى هذا الملتقى الطيب شكرا ابو كسااااار وصح السانك على الابيات الجميله |
اقتباس:
أعتذر عن التاخير وأستلم الصاحب اللي خوته ترفع الراس = مثل الذهب في معدنه في بريقه اللي بنا بيت القصيد على ساس = مثلك حرام يشوف شي يضيقه يا صاحبي لياك تشكي على الناس = الله كريم ولا قطع بالخليقه شمس القصيد وصبح غيم بالأنفاس = شاعر وضوح ومنهجه له طريقه اللي ملا روح المشاعر بالأحساس = بحر من القيفان قاعه عميقه ما هو بها مصنوع شاعر بكراس = لو ضاعت الشعار تسلك طريقه نجم القصيد اللي ضوي الأدماس = مثل العسل والحرف وهرة رحيقه يا صاحبي لاهنت يا معرب الساس = عز الخوي لا قيل مثلك صديقه |
الغالي
الشاعر عويد كسار العنزي الله انه بسعك ويوفقك بجميع الاوقات تشكر على هذه البادره الطيبه ونرحب بالشاعر الدهمشي معك ونتمنى له التوفيق قصيده ترحيبيه جميله ورائعه بروعتك وصح لسانك وعلا شانك ولا هنت تقبل تحياتي |
صحت السنتم جميع
تحياتي لكم |
| الساعة الآن 01:08AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية