|
عبادة الاصنام
لاصـرت فـي حـالاً مــن الـضـنــك مـزحــوم= فـي مـلـتـقــى كــل الـبـشــر وانـعـدامــه شـوف الـسـراب بـصـفـحــة الارض مـرســوم= وشـمــسً تــوارى نـورهــا فــي غـمــامــه شـبــراً مــن الـبـيــدا دواء كــل مـهـمــوم= عـن قـرب مــن تـكــره بـقـربــك مـقـامــه اخـيـر مــن جـلـســة نـفـاقــاً بـهــا لــوم= مـهـنـة ضـعـيـف الـنـاس ســاس الـمـلامــه عـلـى الـمـقـابـر نـصـف خـلـق الله خـصــوم= كــلاً يـفـاخــر فــي فـعـايــل عـمــامــه بـيـن الـنـصـايـب قــال ظـالــم لـمـظـلــوم= هــذا قـبــر مـنـهــو يـقــود الـجـهــامــه مـاتـنـجــب الـدنـيــا مـطـالـيــق وقــروم= مـفـهـومـكــم يـاقـاصـريــن الـفـهــامــه نـفــخ الـرمــاد يـسّــود الـوجــه مــذمــوم= وعــبــادة الاصــنــام كــفــر ونــدامـــه نـاسً تـبـي مــن مـثـلـهــا حـبــة خـشــوم= تـسـتـعـبــد الاحــرار كـبــر وغـشــامــه تـجـمـعـوا حـاتـم وحـامــي حـمــى الـقــوم= عـنـتـر ويـشـهـر فـي يـمـيـنــه حـسـامــه مـتـسـولـيــن الـمــدح والـفـعــل مـعــدوم= مــن لامــدح لـــو زور يــدفــع غــرامــه نـيــام قـبــل الـعــام فـاقــوا مــن الـنــوم= وخـلــوك بـايــس يـامـنــقــل عـظــامــه مـحـداً عـلـى فـرعــون مـجـبــر ومـلــزوم= لابــوه لابــو مـــن يـهــيــن الـكــرامــه فـي مـجـلـسـه حـق أطـيـب الـنـاس مـهـضـوم= وشـبـه الـنـطـيـحـه يـخـدعـه بـاحـتـرامــه مـايـنـتـصـر مـسـتـسـلـم الــروح مـهــزوم= لـو عــد نـفـســه يـنـتـهــي بـانـهـزامــه يـمـوت مـصــاص الـدمــاء جــوع مـحــروم= فــي وســط روسً تـسـتـحــق الـحـجــامــه لـلـمـشـنـقـه حـبـلاً مـن الـغـيـض مـبــروم= لاكــن حــظــوظ الــنــاس درع الـســلامــه لـويـهـتـدي بـسـهـيـل والـجــدي مـنـجــوم= الـلــيــل بـــالارواح يــشــرى ظــلامـــه تـرضـيـكـم الاحــداث بـيــن امــس والـيــوم= وان مـارضـيـتــوا مـاتــقــوم الـقـيــامــه غـيـر الـنـبـي مـحـداً عـن الـذنـب مـعـصـوم= والـنـقـص بـالـلــي يـدعــي فــي تـمـامــه والـــرزق عــنــدالله مــقــدر ومـقــســوم= والـحـكــم لـلــه ثــم لاهـــل الـزعــامــه |
الغالي الشاعر عبدالله المفضلي الله يسعدك ويوفقك لما فيه الخير ويسعدني ان اكون اول المصافحين لهذه القصيده الشامخه بشموخك مضمون وسبك شعر حقيقي وابداع وما اقول الاصح لسانك وعلا شانك وتقبل تحياتي |
شبراً من البيـدا دواء كـل مهمـوم عن قرب مـن تكـره بقربـك مقامـه الله على درر الشعر والحكم كـ عادتك لا تاتي إلا بالجزل والابداع . . . محداً على فرعـون مجبـر وملـزوم لابـوه لابـو مـن يهيـن الكـرامـه الشاعر الكبير/عبدالله المفضلي قصيده من عيون الشعر صح لسانك ملايييييييييين تحيااااتي لك ياكبير |
على المقابر نصف خلق الله خصـوم كـلاً يفاخـر فـي فعايـل عمـامـه عبد الله الشمري فصيدة شامخة معبرة كشموخ الموقف لحاتم الطائي وعنتر بن شداد صح لسانك في كل شطر من قصيدتك وننتظر التالي من شموخ القصائد دمت بخير وسعادة |
عبدالله المفضلي
دائما ما تأتي بشي مختلف وفي كل مره يزيد ابداعك ماشاء الله عليك صح لسانك تحياتي |
[table1="width:95%;"] | [/table1]عبدالله لله درك لله درك هناااااا الشعر الحقبقي ولاتعليق بحضور الشعر تحياتي |
[table1="width:95%;"] | [/table1]الشمري صح بوحك ولاهنت تحياتي لك,, |
الله الله الله هذا شعر حقيقي وابداع صح لسانك وشكرا لك |
شبراً من البيـدا دواء كـل مهمـوم عن قرب مـن تكـره بقربـك مقامـه اخير من جلسـة نفاقـاً بهـا لـوم مهنة ضعيف النـاس سـاس الملامـه الله الله مبدع يالشمري في كل حالاتك صح لسانك واعتلا شانك وتقبل تحياتي ومروري |
صح السانك
|
| الساعة الآن 09:34AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية