|
حـائل والـصيف
مساكم شِعر وصباحكم عِطر
ياهاجسي والشعر طُرق ومحاريف = أضرب على المليان خل النصيفه ابي الجزال الندّر الشرّد العيف = اللي على اصحاب المعاني طريفه لو عاضب الطاروق ماقلت ياحيف = تركيبته ماهي عليه كليفه اطوعه حتى يجيلي على الكيف = تطويع عساف العسيف لعسيفه الصيف جانا وابتدت رحلة الصيف = وكلٍ على ماقيل دوّر مصيفه ياما جمع بين القلوب المواليف = وياما فرقْ بين الوليف ووليفه احدٍ يصيف بين باريس وجنيف = واحدٍ يحكمنه ظروف الوظيفه وانا مصيفي بالجبال المشاريف = في ديرةٍ نسمة هواها لطيفه حايل سقاها الله بوبل المقانيف = من مدلهمٍ مايونّي رفيفه الديرة اللي تكرم الجار والضيف = من عهد حاتم والسنين القصيفه سكانها مايحسبون التكاليف = اهل الكرم واهل النفوس العفيفه واليوم راية كلمة الحق والسيف = بظلالها كل النواحي مريفه عذوا جوانبها عن الظلم والحيف = اخوان نورة بالسيوف الرهيفه وحائل بظل سعود فوق التواصيف = مصيونةٍ مثل الفتاة الشريفه وياللي مصيف بين باريس وجنيف = جرب جبل حايل وجرب مصيفه |
سلمت اخ مقبل ابيات جميله وحائل اجمل لك مني كل الود محمد العتيبي |
[table1="width:95%;"] | [/table1]ياما جمع بين القلـوب المواليـف وياما فرقْ بين الوليـف ووليفـه مقبل الفهد الصيف اقبل وانت اقبلت بالشعر صح بوحك ولاهنت تحياتي لك,, |
وياللي مصيف بين باريس وجنيف
جرب جبل حايل وجرب مصيفـه مقبل الفهد تسلم على هذه القصيدة الرائعة في مدينة تعيش في قلوبنا ((حائل )) حائل تزينت لتستقبل كل من يحبها بالشعر والامسيات التي لاتكرر الا في حائل فلتسلم حائل وليسلم اهلها لاهنت ودمت بخير وسعادة |
[table1="width:95%;"] | [/table1]مقبل الفهد بهذه الرائعه لايسعني الا ان اقول لاتعليق بحضور الشعر صح لسانك صح لسانك تحياتي |
مقبل الفهد
صح لسانك من روائع الشعر تحياتي |
الغالي الشاعر مقبل الفهد الله يسعدك ويوفقك لما فيه الخير اسعدني مروري على متصفحك الزاخر بالشعر الحقيقي قصيده معنى ومضمون وسبك ولا اجمل والا اروع منها الا روعة شاعرها صح لسانك وعلا شانك يالغالي وتقبل تحياتي |
مقبل الفهد
صح لسانك وسلم بنانك حائل ما أجمل المنظر يامرجنا الاخضر حائل بعد حيي دار الهوى المنشود ياعزوتي وغيي |
عندما قرأت عنوان القصيده بأسم مقبل الفهد أيقنت بأن هذا النص ملفت الطرح والجزاله . وبعد القراءة لأكثر من مره توافقت هذه التوقعات برقي مستوى هذه القصيده . الفهد .. من أروع وأجمل شعرائنا في هذا الموقع . وأنا والله أفخر وأعتز بهذا الأسم .. وأقف له أحتراماً وتقديراً في كل قصيده نقرأها له . عودنا على الأبداع فيما يقدم . تحياتي وتقديري . |
صح لسانك اخي مقبل الفهد وتسلم على القصيدة الرائعة لك تحياتي وتقديري دمت بخير |
| الساعة الآن 02:52AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية