عيون الوقت ترقبني وأنين الجـرح يشكيلـه=وكفوف الشوق أمتدت ونزع عن وجهي لثامي
سقا الله لمعة المبسم تخوف من ورا الشيله =مثل هاك الجروح اللي شكت من حدها عظامي
حزينه تسهر عيونـي طويـل وأتعبـه ليلـه=تصارع وحشة الدنيا وتواسي خافـق ٍ دامـي
ألا ياليـل ما عنـدي أحـد إلاّ أنـت ألجي لـه =ولا عندي سوى همـي وقلـم وأوراق قدامـي
ألا يا كاتـم الأسرار تقديـنـي وش الحيـلـه=نفذصبر مـع خـل ٍ بصـده حطـم أحلامـي
واناماعنـدي إلاّ الشـوق والهفـه ومنديلـه =تضيق ولا فزع غير القصيد وتالـي الهامـي
بسبب هاك الفريد اللي منـع حتـى مراسيلـه = معادت تاصلن منه التحايـا غيـر بأوهامـي
تجمل بي خذ أوجاعي كذا وأتـرك تفاصيلـه = وش الي يطربك لاجيت أعد لنجمـك آلامي
أنا يا ليل مثل اللي زرع وأقفـت محاصيلـه = أعض الشاهدأخطيت الهدف والمقصد أبهامـي
أناياليل في صدري قليـب أسمـع محاحيلـه = لك الله صارت أشواقي نياق ٍ عنـده حيامـي
يجينـي طيفـك غيـوم ٍ يبللنـي هماليـلـه =أنا ودي تبللنـي غـلا فـي نشـوة هيامـي
تظل النار في خافق حبيبـك لو شـرب نيلـه =تذكر مثـل مايبقـى غرامـك لآخـر أيامـي ِ
بعينـي بارقـك مقفـي بعـي وودي أخيلـه =واخيله ليت ينصفني ولوفي غرقـة أحلامـي
بعدما عشت في حبه علي شحـت مواصيلـه =غرقت بغبة عيونه خذانـي بحرهـا الطامـي
مثل هاك الذي يركض بصحرى وفاقدٍ حيلـه =يحسب أنه وصل للما ومات وهو بعد ظامـي

[table1="width:95%;"]