يعلنك يالحاجه تهينين الأحرار =
وتعظّمين اللاش لوهو دجاجه

اللاش ولد اللاش بيطار الأعذار =
وجه الفلس يلبس من الكبر تاجه

مطالب الأخيار بيدين الأشرار =
هذي تصاريف الزمن واعوجاجه

عيباً على الرجال يسقط وينهار =
ما تاقف الدنيا على شان حاجه

يا حيف يا فكراً مشتت ومحتار=
ما تدري ان الضعف عيب وسماجه

ما تدري أن الله عليماً بالأسرار=
اسجد لربك بالخفا ثم ناجه

ما تدري ان الوقت زايل ودوار =
وماتدري أن السيل يقفى العجاجه

مافيه حي إلا تعرّض للأكدار =
ومافيه حي إلا تعكّر مزاجه

عن ماضي التاريخ تنبيك الأخبار =
ماصار كرب إلاّ قضا بانفراجه

خلك على ميلات الأيام صبّار =
حاسدك من زودك يبين انزعاجه

صبر الجمال وعين عمار بالنار =
خل العفون يكثرون اللجاجه

لا بد من رفع العزيمه بالاصرار =
ولا بد من كسر الخجل بالمواجه

للوقت صولاتٍ وللكسر جبار =
إلا انكسار النفس كسر الزجاجه

شرب القراح بذل زرنيخ وامرار =
والعز يكفي عن قراحه هماجه

شقر الحرار سرورها هجر الأوكار=
والقلب مشيه بالبراري علاجه

خلك على ميلات الأيام صبّار = حاسدك من زودك يبين انزعاجه صبر الجمال وعين عمار بالنار = خل العفون يكثرون اللجاجه لا بد من رفع العزيمه بالاصرار = ولا بد من كسر الخجل بالمواجه للوقت صولاتٍ وللكسر جبار = إلا انكسار النفس كسر الزجاجه شرب القراح بذل زرنيخ وامرار = والعز يكفي عن قراحه هماجه شقر الحرار سرورها هجر الأوكار= والقلب مشيه بالبراري علاجه

استاذي رياض الهديرس

تسلم ومشكور على التثبيت

ويسلم ذوقك الرفيع

تحياتي لك