|
ألـــم
http://www.moq3.com/img/uploads/fJe65104.bmp ما يشبهون لبعضهم يا صاحبي فيه اختلاف اللي نوى خير وعمل واللي نوى شر وعمل الخير واجد لو نبي والشر فالعتمه يشاف لو يختفي ما يختفي إلا على واحد جهل اليوم لو نزرع امل.. بكرا نبي جني القطاف ننسى مشاركنا الفرح نذكر مشاركنا الزعل اللي يموت من الغرق لو عاش ما اختار الجفاف تناقض الرغبه قدر محدٍ يخطط للفشل اسهل نصدق كذبنا ونشوف خلق الله نظاف صعبه نصدق حلمنا لو حلمنا صدفه حصل نضحك على كثر التعب ما نعتبر من شي طاف في كثر ما نلقى فرح يا كثر ما مات الأمل وين الصديق من العدو اشباه والنيه ضفاف وين القلوب الطاهره اللي تبادلنا الوصل ما هو قوي اللي قدر يضحك على قلوب الضعاف دام الهوى ضعف البشر ما سمي الخاين بطل فعيوننا شيٍ غريب نظرات ما فيها اعتراف كلٍ تغير معدنه من قسوته محدٍ خجل لو قلتلي يا صاحبي.. يا صاحبي فيه اختلاف طبعاً ترى حنا بشرما فينا واحد اكتمل على متن الالم سافر واترك لي مجاديفك ولاتنسى تلوح لي تذكرني بغيباتك وخذ وقتك من ايامي وخذ من ليلتي طيفك وخذ ماضي بنى صرحه على وهمك وكذباتك ولو يشقى العمر بعدك شقى عمري دهر زيفك انا مابيك تنظر لي ابيك تنظر لذاتك تمعّن في تقاطيعك وانت احكم على كيفك بدون اقناع ابي تحكم على وجه سكن ذاتك خدعني همسك الكاذب غمرني بالمطر صيفك وكنت افرح ولا اعرف نهاية كذب همساتك فقدت أحلامي بحضنك رحلت اتبع سواليفك معاها خطوه بخطوه خانتني مسافاتك حبيبي لملم شتاتك ورحب باللالم ضيفك ولاترجع تلوح لي خلاص اعتدت غيباتك |
رائعه بكل ما تعنيه الكلمة
يعطيك العافيه وبارك الله فيك وصح احساسك يا ذوق قصيده جميله ومعبره تحياتي لك |
|
حساس ,,, رهــب اشكر مروركم ,, تحياتي |
حبيبي لملم شتاتك ورحب باللالم ضيفك ولاترجع تلوح لي خلاص اعتدت غيباتك ********** لامست احساسي حروفك صح السانك واحساسك وحياك الله بيننا تحياتي لك |
سلم فكرك
قصيدة رائعه من شاعر عذب تقبل ارق تحيه |
| الساعة الآن 09:44AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية
