ابتدى شوق التواصل وابتدت فرحة لقا = انطفت نار التجافي واشتعل جمر الوصال
ياهلابك .. ياهلا .. ياهلابك .. والبقا = ياهلا باغلا حبيبً شوفته رشفة زلال
جابك الله ياعيوني وانتهى عمر الشقا = وانتثر ورد المحبه بين حسنك والدلال
وانتشى جو الدعابه بين طهرك والنقا = وانكتب حلم التلاقي باعذب السحر الحلال
رغبة العاشق خطيره ؟ لا تحاشى واتقا = تاخذه من واقعه لاقصى مسافات الخيال
كل ماصبيت لك فنجال بالعشق ارتقا = وكل مايرقا لك الاحساس يلقى أية جمال
وكل ماغرّقت المشاعر بالمحبه والوفا = اتذكر طعنتي والبعد لو كان احتمال
وكل ماشعلت القصايد بيننا جهر وخفا = هاجس البعد ابتدى بي وانتهى بي للمحال
وكل ماحسيت باحساس التواصل والدفا = صرت الاقرب بالخيال وصرت الابعد بالمنال
انت ( حاله نادره ) بين التلاقي والجفا = وانت حلم بكل وقت وكل ظرف وكل حال ؟
خذ شعور العاشق اللي ساقته نشوة لقا = لانتشت به من دفا احساسك ذعاذيع الشمال