ودي اموت اليوم!!
 

عندما يكون الغدر حدث من أحداث
حياتك اليومية والحزن أمر واجب
عليك...عندها فقط!!
(ودك تموت اليوم وتعيش باكر)

.................................
ودي أموت اليوم وأعيش باكر
وأشوف من هو بعد موتي فقدني
ومن هو حملني لين ذيك المقابر
واشكر أنا كل من كرمني ودفني
وبشوف يرثيني أنا كم شاعر
ومن هو تركني وماكتب شي عني
شخص تعنا لي مع انه مسافر

وشخص قريب وأنا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من أهلي بالعزا كان حاضر
ومن هو دعالي في صلاته ورحمني
ومن هو بنا بسمي سبيل ومنابر
ومن هو يفز قلبه الا من لمحني
ومن هو عشاني طول الأيام ساهر
ومن هو ثلاث أيام راح وتركني
ومن هو يرتب غرفتي والدفاتر
وان شاف صوره لي مات وحضني
يالله عسى ماتخفى كل المشاعر


ويالله عسى ماينصدم يوم ظني
خايف يروح العمر واكون خاسر
وأنا طار طيري مايفيد التمني
وخايف يجيني وقت واكسر خواطر
ان دارت الدنيا وزماني كسرني
ومدام هذي الدنيا صارت مظاهر
وكل من كيفه وجوه يغني
صحيح مسلم لكن الهم كافر
كل مابغيت اضحك يهددني حزني
الضيق وافي والحزن حيل وافر
واجرح اكثر شي شقته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني امر
مسكين فرحي تصدق انه وحشني
شاعر.......ولكني ماني بشاعر
ودي أموت اليوم وارتاح مني

لشاعر (( أحمد الصانع ))
............................

منقووووول
لكم مودتي
الحـ العنيدـظ

نقل

أكثر



من رائع


مدري خطر على بالي خواتي هم من سـ يفقدني !

ويارب ماتفقدين غالي ...

الحـظ العنيـــــــد

تسلمـ اناملك
وذوقــــــــــــــــــك العذب

قصيده جمالها في شفافيتها ووضوحهــــــــا

تحيــــــــــاتي

لحظ العنيـــد
عندما قراة هذي الابيات سرحت بعيد وتخيلت هذا الموقف وتعايشت معه ....ودمعة عيني
وانا اقول يارب ارحمني ورحم الجميع عند ذاك.....
منقوله جميله لهاصدى في القلوب....
سلمت يمين ناقله...
تقبل مروري المتواضع

في منتهى الرووووووعه


سلمت الانامل التي احضرتها هنا


كل الود

يسلمو على هالنفل المؤثر والرائع
سلمت يداكي
تحياتي لك

رسيس
ابو شاهين
ظل عابر
فواز الناجي
عقاب
الحياه كلمه

يشرفني حضوركم وردودكم
وهذا مو غريب عليكم
الطيب منكم وفيكم

تحياتي لكم

تم التعديل اخ متعب

الف شكر على جهودكم